fe’l

Meanings

1. . Kishi xarakterini tashkil etuvchi ruhiy xususiyatlar va undan yuzaga keluvchi xatti-harakatlar majmui; xulq, xarakter, xulq-atvor.
2. . Insonning maʼlum paytdagi ruhiy holati, kayfiyati, avzoyi.
3. It feʼl Yomon xulqli, yaramas.
4. Feʼli aynamoq Oʻzgarmoq, yomonlashmoq (ob-havo haqida).
5. Feʼli keng Bor narsani birov bilan baham koʻradigan, birovdan ayamaydigan, saxiy.
6. Feʼli tez tez 5.
7. Feʼli tor Haddan tashqari ziqna, xasis.
8. Feʼli qaytmoq ayn. toʻnini teskari kiymoq toʻn.
9. . Odat, xulq, qiliq; ish, xatti-harakat.
10. Xush feʼl xushfeʼl.

Examples

• Har kim feʼliga yarasha olar. — Maqol.
• Bu oyimchaning feʼlini bilasiz-ku! — dedi Mastura koʻziga yosh olib. — E. AʼzamovJavob.
• Feʼli buzilmoq. Feʼli aynimoq. Feʼli ozmoq.
• Shunday feʼli buzildiki, xudodan ham xafa boʻlib ketdi. — M. IsmoiliyFargʻona t. o.
• Biroq raisning feʼli birdaniga aynib qoldi. — S. ZunnunovaOlov
• Samovarchining it feʼl ekanini payqagan boʻlsa ham, noiloj uning oldiga bordi. — OybekTanlangan asarlar.
• It fe'lli, badbaxt! qoshu qovogʻingdan naq qor yogʻadi.. — OybekTanlangan asarlar.
• Shamol esib, havoning feʼli aynib birpasda.. — GʻayratiyTanlangan asarlar.
• Goho kulib, osmon hammani xursand qiladi, goho birdan feʼli aynib, dehqon dilini siyoh qiladi. — N. SafarovOlovli izlar.
• Tegirmonda tugʻilgan sichqonning feʼli keng. — Maqol.
• Oʻlganda goʻring keng boʻlsin, tiriklikda — feʼling. — Maqol.
• Temirchining uyi tor boʻlsa ham, feʼli keng edi. — Sh. RashidovQudratli toʻlqin.
• Ey, feʼli keng qishloq oʻgʻli, kushayin seni! — A. SherQadimgi kuy.
• Xotining, bunaqa feʼli tez ekan, [bolani] olib ketmagani ham durust. — A. QahhorQoʻshchinor chiroqlari.
• Qadim oʻtgan zamonda, Kattaqoʻrgʻon tomonda, Bir ochkoʻz boy bor edi, Feʼli juda tor edi. — Uygʻun
• Ularda pul boʻladi, bilaman. Lekin ayollarning feʼli tor. — OybekTanlangan asarlar.
• Yo tavba, yo tavba! Muncha feʼling qaytmasa, qizim? — N. SafarovTanlangan asarlar.
• Yolgʻonchilik shunday bir shum feʼldirki, imonga, rizqqa, umrga, eʼtibor va obroʻga ziyoni bordur. — HamzaTanlangan asarlar.
• Qoyil qoldim endi qilgan feʼlingga, Oʻgʻil koʻrgin, qoʻlin solsin boʻyningga. — Erali va Sherali
• Hali ham tavba qil qilgan feʼlingga, Toʻxta, oyim, yetolmaysan elingga. — Murodxon
• [Oʻroz] Mirzakarimboyga qarol boʻlib yollangan, ket-boshi kir, uvada boʻlishiga qaramay, chiroyli, xush feʼl, yoqimtoy yigit edi. — OybekTanlangan asarlar.
• Zaynabning shu feʼli balogʻatga yetib, erga tekkandan keyin ham oʻzgarmadi. — A. QodiriyOʻtgan kunlar.

Source: Wiktionary