Explanatory dictionary

g‘alayon

ғалаён

Meanings

. Norozilik harakati; isyon, qoʻzgʻolon.
. Tabiat, uning hodisalari, shuningdek, kishi ichki dunyosidagi tugʻyon, joʻsh urish.
. Gʻalayon qilmoq Gʻalayon holati yuz bermoq (toʻgʻri va koʻchma maʼnoda).

Suvoriy kazaklar kimdandir barak topib, gʻalayonni bostirgani kelishgan edi. — S. Siyoyev — Avaz.
Amir amaldorlari xalq gʻalayonidan choʻchib, shoirni kishi koʻzidan narida, Qabodiyon choʻllarida oʻldirishgan. — Gazetadan.
Butun Turkiston oʻlkasida gʻalayonlar avj olib ketdi. Fargʻona vodiysida qoʻzgʻolon dastlab Koʻqon uyezdining Qaynar volostidan boshlandi. — K. Yashin — Hamza.
Bu xazina mazmunida.. tabiat gʻalayonlariga qarshi kurash borligini iftixor bilan tilga olamiz. — Gazetadan.
Boʻrontogʻlar ustida, vodiyda oʻzining qudratli gʻalayonini boshlaydi. — Sh. Rashidov — Boʻrondan kuchli.
Muhabbatning koʻziga koʻzi tushganda, vujudida uygʻongan hislar gʻalayonini aniq esladi. — S. Anorboyev — Oqsoy.
Idroking mavjiga tekkaning zamon, U mudroq ruhingga solgay gʻalayon. — A. Oripov, Yillar armoni.
Xalq gʻalayon qildi.
Bunday daqiqalarda kishini oʻy bosadi, xotiralar toʻlqini gʻalayon qiladi, xayol qanotlanadi. — H. Gʻulom — Mashʼal.
Mamadali Matmurodovning koʻnglida "bir dehqonchilik qilsam", degan niyat gʻalayon qilib qoldi. — S. Ahmad — Yulduz.

arab. – qaynash; hayajon, koʻtarilish

Source: Wiktionary

Views: 0