ko‘rmoq

Meanings

1. Koʻrish qobiliyatiga ega boʻlmoq, kishi va narsalarning, borliqning koʻrinishi qandayligini farqlay bilmoq.
2. Koʻz bilan ilgʻamoq, koʻz vositasida aniq farqlamoq, sezmoq, bilmoq.
3. Tanishish, bilish, anikdash va sh. k. maqsadda koʻzdan, nazardan kechirmoq; nazar solib tekshirmoq; qaramoq.
4. Biror toʻxtamga kelish, chora belgilash uchun muhokama qilmoq.
5. Duch keltirmoq, uchratmoq.
6. Hol-ahvol soʻrab yoʻqlamoq.
7. Boshdan kechirmoq; tajribadan oʻtkazmoq.
8. Biror kimsa yoki narsaga ega boʻlmoq, erishmoq, yetishmoq.
9. Tomosha qilmoq, tomoshabin sifatida kuzatmoq.
10. Yuz bergan voqeaga boshqa kishi yoki narsani sabab qilib koʻrsatmoq.
11. Tajribada sinamoq, sinab bilmoq.
12. Payqab olmoq, ilgʻamoq, tuymoq.
13. Biror narsani taʼkidlash va unga diqqat-eʼtiborni jalb etish uchun qoʻllanadi.
14. Ayrim soʻzlar bilan birikib, shu soʻz bildirgan ish-harakatni amalga oshirmoq maʼnosini bildiradi.
15. ..deb hisoblamoq, bilmoq; ..deb qaramoq, tushunmoq.
16. Harakatning sinash uchun bajarilishini, bajarmaslik haqida ogohlantirishni bildiradi.

Examples

• Ikromning dadasi Toʻymat akani, koʻzingiz yaxshi koʻrmas ekan, deb olishmadi. — Sa’dulla Siyoyev — Yorugʻlik
• Otamning bir koʻzi koʻrmay qoldi. — Sa’dulla Siyoyev — Yorugʻlik
• Lekin rashk qitiqlagan kezlarda chehrang oʻzgaradi. Men buni oʻz koʻzim bilan koʻrganman. — Abdulla Qahhor — Qoʻshchinor chiroqlari
• Fotimani ustanikidan chiqib kelayotganini koʻrganlar avval hayron boʻlishdi. — To‘xtash Ashurov — Oq ot
• Vrach kasalni koʻrdi. Kitobni koʻrmoq.
• Mallavoy aka.. chorigʻini chiroqqa solib koʻrdi. — Abdulla Qahhor — Qoʻshchinor chiroqlari
• Vakilning oʻgʻil bolasi rais bilan suhbatlashib, planni koʻrib, palov toʻrani yeb, yoʻliga ravona boʻladi. — "Guldasta"
• Aka, tezroq koʻrib bering, shoshib turibman. — Sa’dulla Siyoyev — Yorugʻlik
• Birovning arizasini koʻrmoq.
• Bu masalani majlisda koʻramiz.
• Sal kech qol-ganingda, koʻrolmay, armonda ketardim. — Ibrohim Rahim — Chin muhabbat
• Voy, haromi noinsof! Men bunday moʻltonini sira koʻrganim yoʻq edi. — Oybek — Tanlangan asarlar
• Bemorni koʻrmoq.
• [Unsin:] Gulnor opani unutmayman sira, uni koʻrgani tez-tez kelib turaman. — Oybek — Tanlangan asarlar
• [Qurbon ota:] MTSga kelganida, [Oʻrmonjon] meni koʻrmasdan ketmaydi. — Abdulla Qahhor — Qoʻshchinor chiroqlari
• U koʻp qiyinchiliklarni koʻrgan kishi,
• -Har qancha darbadarlik boʻlsa, men koʻrganman, oʻgʻlimga qolgani yoʻq, - dedi Sidiqjon. — Abdulla Qahhor — Qoʻshchinor chiroqlari
• Yigitlikda bizning boshimizdan oʻtgan sarguzasht shun-doq boʻlgan, oʻgʻillarim. Bizning koʻrganlarimiz qursin. — Parda Tursun — Oʻqituvchi
• Davlat koʻrmoq.
• Yaqin toʻrt oycha umr qildik. Umrimda xotin koʻrganim ham shu. — Abdulla Qahhor — Qoʻshchinor chiroqlari
• Kampir.. eshikka qaradi: -Voy, ogʻzingizga yogʻ, oʻgʻlim! Kelin koʻradigan kunim ham bormikin! — Abdulla Qahhor — Qoʻshchinor chiroqlari
• Men-ku yilda besh gaz chit koʻrmayman, kelishingizda shu bechoraga bir narsa olib kelsangizchi sizham odam boʻlib! — Abdulla Qahhor — Mayiz yemagan xotin
• Men ham orzu-havas koʻraman, deb siz bilan bir yostiqqa bosh qoʻyganman. — Samar Nurov — Narvon
• Bosh boʻling, suv chiqaraylik, ekin qilaylik, oz boʻlsayam, ogʻzimiz osh koʻrsin. — Mirzakalon Ismoiliy — Fargʻona tong otguncha
• Bolalar televizor koʻrmoqda. Kecha yangi kino koʻrdik.
• Esingda bormi, rayondan teatr koʻrib kelayotgan kechamiz aravada Sotiboldi, ashula aytamiz, deb Kanizakni qistadi, koʻnmagandan keyin, sochidan tortdi. — Abdulla Qahhor — Qoʻshchinor chiroqlari
• Kitobni oʻzi yoʻqotib, mendan koʻrayotir. Oʻzing qilib, birovdan koʻrma!
• Charosni tinch qoʻyasiz. Boʻlmasa, oʻzingizdan koʻring. — O‘tkir Hoshimov — Qalbingga quloq sol
• Yer sotganlarning koʻpini koʻrdik, oxiri gadoy boʻladi. — Oybek — Tanlangan asarlar
• Veksel degan soʻz chiqdi. Uni ham koʻrdik, benihoyat zarur narsa. — Oybek — Tanlangan asarlar
• Katta koʻrmaganni kichik koʻradi, kichik koʻrmaganni katta koʻradi, ikkalasi birgalashib qarasa, hech narsa koʻzdan qochmaydi, deydi xalq. — Abdulla Qahhor — Qoʻshchinor chiroqlari
• Dafʼatan qulogʻiga chalinib qoladigan gap-soʻzlarda, baytu gʻazallarda endi butunlay oʻzgacha maʼno koʻradi. — Xayriddin Sultonov — Onamning yurti
• Omon mustaqil fikrli, choʻrtkesar, uzoqni koʻra oladigan, tadbirkor, yaxshi doʻst edi. — Sa’dulla Karomatov — Oltin qum
• Shirinligini koʻr! [Nabigulning akasi:] -Didni koʻring-a, trafaretning rangiga mos abajur! — Abdulla Qahhor — Qanotsiz chittak
• Boltaboy "koʻrdingmi, yashirmaydi" degan mazmunda Sidiqjonning tizzasini bosib qoʻydi. — Abdulla Qahhor — Qoʻshchinor chiroqlari
• Zamonning teskariligini koʻring! Shohimardonga ochiq kelolmasam! — Komil Yashin — Hamza
• Chora koʻrmoq. Hozirlik koʻrmoq.
• Brigada aʼzolari ayni vaqtda paxta yigʻim-terimiga har taraflama qizgʻin tayyorgarlik koʻrmoqdalar. — Gazetadan
• Loyiq koʻrmoq.
• Muvofiq koʻrmoq.
• Ravo koʻrmoq.
• Oz boʻlsa ham, koʻp oʻrnida koʻring.
• U yigitni oʻziga teng koʻrmadi.
• Barchani baravar koʻrmoq.
• Men seni oʻz ukamday koʻraman.
• [Yoʻlchi:] Singlim, oʻz uyingday koʻr, tortinma. Kampirning yumushlariga qarash. — Oybek — Tanlangan asarlar
• Kamol qozi ham Safoxon toʻraning gaplariga eʼtiroz bildirmaslikni maʼqul koʻrdi, shekilli, tek quloq solib turardi. — Komil Yashin — Hamza
• Sinab koʻr.
• Oʻylab koʻr.
• Soʻrab koʻraman.
• Ayta koʻrma.
• Bora koʻrmasin.Yelkamning chuquri koʻrsin - yelka.Ish koʻrgan - ish.Ish koʻrmoq - ish yuritmoq, ish tutmoq.
• Bundoq kallani ishlating, tulkidek ayyor, mushukdek mugʻambir boʻling, zimdan ish koʻring. — Komil Yashin — HamzaKun koʻrmoq - hayot kechirmoq.
• Uning kasbi yamoqchi boʻlib, zoʻrgʻa kun koʻrar ekan. — "Guldasta"Koʻpni koʻrgan - koʻp.Koʻrarga koʻzi, otarga oʻqi yoʻq - haddan tashqari yomon koʻradi.
• -Oʻzimning ham toʻrani koʻrarga koʻzim, otarga oʻqim yoʻq, - dedi chilim tortib turib Rustam aka. — Jumaniyoz Sharipov — XorazmKoʻrgani (yoki koʻrishga) koʻzi yoʻq - juda yomon koʻradi.
• Sherali bunday loqayd odamlarni koʻrarga koʻzi boʻlmasa-da, hoziroʻzini mumkin qadar bosdi. — Sa’dulla Karomatov — Oltin qumTuya koʻrdingmi - yoʻq - oʻzini hech narsa koʻrmagan, bilmagan qilib koʻrsatish lozimligini taʼkidlash uchun ishlatiladigan matal.
• [Baqqol:] Iloji boʻlsa, yamatganingizni aytmang, koyib-netib yurmasin tagʻin. Tuya koʻrdingmi - yoʻq, vassalom. — Oybek — Tanlangan asarlarUzoqni koʻrmoq - uzoq.Xoʻja koʻrsinga - xoʻja.Yuz koʻrmas boʻlib ketmoq - yuz I.

Source: Wiktionary