amal

Meanings

1. Ilm, nazariya, fikr va shu kabilarning hayotiy reallashuvi.
2. Amalga oshmoq - Yuzaga chiqmoq, vujudga kelmoq; barpo boʻlmoq; bajarilmoq.
3. Amalga oshirmoq - Yuzaga chiqarmoq, vujudga keltirmoq; bajarmoq; joriy qilmoq.
4. Amal qilmoq 1) hisobga olib ish tutmoq, rioya qilmoq.
5. Eʼtiqodga oid ish, aqida ishi.
6. Umuman, bajarilishi lozim boʻlgan ish, amaliy ish.
7. Masʼul vazifa, mansab.
8. Amal tegmoq kest. Katta ish, mansab tegmoq.
9. Iloj-imkon, chora.
10. koʻchma Uyg'onish, hayot boshlanishi (oʻsimlik, daraxt kabilar haqida).
11. Amal olmoq - Koʻkarmoq, tutmoq.
12. mat. Matematik hisobning har bir turi.
13. etn. Isitish, sovutish, birovning ishini orqaga ketkizish, turgan uyidan bezdirish va sh.k. maqsadlarda dam solingan narsa; sehr-jodu.
14. Dasturlash tili obyektlari, ma’lumotlar, o‘zgaruvchilar, konstantalar, funksiyalar – operandlar ustida bajariladigan ish. Operandlarning turiga bog‘liq ravishda, arifmetik, satrli (simvolli), mantiqiy, faylli amallar farqlanadi. Operandlarning soniga bog‘liq ravishda, bir o‘rinli (unar), ikki o‘rinli (binar) va ko‘p o‘rinli (n-ar) amallar farqlanadi. Umuman olganda, amallar dasturlash tili bilan belgilanadi.

Examples

• Ilm amal bilan sharofatlidir. — Gʻ. Gʻulom.
• Orzular amalga oshdi.
• Reja amalga oshdi.
• Bu ishga ham birorta azamat bosh qoʻshsa, ajab emas, amalga oshsa. — Oydin — Hazil emish.
• Maqsadni amalga oshirmoq.
• Rejani amalga oshirmoq.
• Qonunga amal qilmoq.
• Ilmiga amal qilmagan mulladan ustiga xurjun ortilgan eshak yaxshi. — Maqol; 2) taʼsir qilmoq (dori-darmon haqida).
• Shifosiz kasatka har bir dori-darmon zahardek amal qilar ekan. — Oybek — Tanlangan asarlar.
• Zotan, inson xotirjam yashamas ekan, uning koʻngliga ibodat ham, xayru ehson ham, boshqa yaxshi amallar ham sigʻmaydi. — Gazetadan.
• Al-maʼruf deganda.. bajarilishi lozim boʻlgan barcha islomiy amallarni tushunamiz. — Gazetadan.
• Virusli gepatit kasalligi bilan ogʻrimaslik uchun quyidagi amallarga rioya qilish lozim. — Gazetadan.
• Biz ham oʻz harakatlarimiz, amalimiz bilan yoshlar orasiga koʻproq kirib borishimiz kerak. — Gazetadan.
• Amalga magʻrur boʻlsang — toʻzdirar. — Maqol.
• Kishining qadri amali va unvoni bilan emas, vatanga, xalqiga qilgan xizmati bilan oʻlchanadi. — Shuhrat — Shinelli yillar.
• Bo-o xudo! Ammangga ham amal tegib qolgan. Kechayu kunduz churvaqalar bilan oʻralashgani-oʻralashgan. — Nazir — Bir tup gʻoʻza.
• Garchi reja buzilsa-da, lekin bir amalini qilamiz. — Oybek — Tanlangan asarlar.
• Amal vaqti yetganda, tok, anor, anjir koʻmilgan joyida turib ham koʻkaraveradi. — R. Rahmon — Mehr koʻzda.
• Nihol jildirab suv oqib turgan joʻyakka ekilmasa, amal olmaydi. — A. Koʻchimov — Halqa.
• Toʻrt amal.
• Arifmetika amallari.
• Folbin bir nimani yeng uchidan chiqarib berdi. Bu "amal" edi. Bu kichkina tugunchak ichida mozor tuprogʻi, temirtak, tobutning choʻpi, sovun, oʻlik tirnogʻi va hokazolar bor edi. — Oybek — Tanlangan asarlar.
• Uning gapiga koʻra, shomonlar oʻz amallari bilan turli balo-qazolarni daf etib. — Gazetadan.

Etymology

a. — ish, harakat

Source: Wiktionary