bahor

Meanings

1. Yildagi toʻrt faslning biri, qishdan keyingi, yozdan oldingi fasl; koʻklam (yilning mart, aprel, may oylariga toʻgʻri keladi).
2. Har narsaning (umrning, hayotning) yashnagan, kamolga yetgan payti, shunday chogʻlar ramzi.
3. Umrning maʼlum qismi, muddati, yoshi.
4. Quvonch, shodlik, baxt.
5. Sevgi, muhabbat; umid.
6. Sevgili, maʼshuqa, goʻzal yor.
7. Bahor (xotin-qizlar ismi).

Examples

• Erta bahor. Bahor quyoshi. Bahor shamoli. Daryo suvini bahor toshiradi, Odam qadrini mehnat oshiradi. Maqol. n
• U [Gulnor] bukun shod, bahor uning nashasiga nashʼa, goʻzal-ligiga goʻzallik qoʻshgan. Oybek, Tanlangan asarlar.
• Bahor joy tanlamas ekan. U. Hoshimov, Qalbingga quloq sol.
• Umr bahori. Hayot bahori. Sevgi bahori. Yaxshi xotin — hamisha bahor.Maqol. v
• Shu yerdadirmardlik, jasorat, Shu yerdadirhayot bahori. Yo. Mirzo, Oʻgʻil mehri.
• Axir yoshimiz ketyapti, umr bahorimiz oʻtib, kuzimiz yaqinlashib kelyapti, Hayotxon! M. Ismoiliy, Fargʻona t. o.
• Gʻulomjonning koʻnglida yayragan quvonch bahori koʻzlarida javlon urdi. — M. Ismoiliy — Fargʻona tong otguncha
• Bizning Narzimiz oʻzining yigirmanchi bahorini xuddi shu Moldaviya yerida qarshi oldi. N. Safarov, Olovli izlar.
• Baxtli qizim, men oʻylab boqsam, Ikki bahor koʻribdi yoshing. Yo. Mirzo, Oʻgʻil mehri.
• Ishqingda men bahorlar topdim, Bahor ichra nahorlar topdim. H. Olimjon.
• Sizda boʻlgan umid, ishonchlar, Kunlar kelar, yaratar bahor. Gʻayratiy.
• Kimningdir koʻnglida bahor gulladi. Kimdir kimgadir intizor boʻldi. Oʻ. Hoshimov, Qalbingga quloq sol.
• Gullagan bahorim, seni sevaman. U. Ismoilov, Saylanma.
• Soʻldimikan gul chechakli bahorim, Ham qishimdan, ham yozimdan ayrildim. "Nurali".
• Xazon etmoqchi boʻlmish, ajratib fasli bahorimdan. "Guldasta".

Etymology

f. — koʻklam fasli

Source: Wiktionary