bosqich

Meanings

1. . Zinaning yoki narvonning har bir pogʻonasi.
2. . Oʻzaro bogʻlangan quyi va yuqori idora, muassasa, tashkilot va shu kabilarning har bir pogʻonasi, halqasi.
3. . Daraja, razryad.
4. . Tarixiy, madaniy-maʼnaviy, iqtisodiy taraqqiyot, rivojlanishning belgili bir pogʻonasi; davr, palla.
5. . Biror yaxlit ish-harakatni amalga oshirishning ayrim-ayrim davrlari haqida.
6. . Biologik rivojlanish pogʻonasi, davri.
7. Birinchi bosqich sud Quyi darajadagi sud.
8. Birinchi bosqich maktab Boshlangʻich maktab.

Examples

• Madrasa ichiga bormay, oʻsha yerda.. bir tosh bosqichga otam qadam bosdi. S. Ayniy, Esdaliklar.
• Biron-bir bosqich oʻrtasida turgan xalq orasida avvalgi bosqich kishilari koʻrinib qolsa, bunga tabiiy bir hol deb qarash kerak, degan fikrni aytdim. — "Guldasta" — ;
• Odamlar fan-texnikani inson koʻzi koʻrmagan, qulogʻi eshitmagan bosqichlarga olib chiqdilar. — N. Safarov — Olovli izlar.
• Haqiqatan ham Navoiy forsiy devoni bilan Jomiydan soʻng fors-tojik adabiyotini yangi bir bosqichga koʻtardi. — "OʻTA". —
• Maʼnaviy kamolot bosqichlari ichida xushmuomalalik, shirinsuxanlik asosiy oʻrinni egallaydi. — "Saodat". —
• Bosh planga koʻra, Qarshi dashtini oʻzlashtirish uch bosqichda amalga oshiriladi. — "Oʻzbekiston quriqlari" —
• Respublikamiz mehnatkashlari paxta yigʻim-terimida hal qiluvchi bosqichga kirdilar. — Gazetadan. —
• Rekonstruksiyaning birinchi bosqichi nihoyasiga yetganligi natijasida samolyotlarning uchish xavfsizligi ancha oshdi. — Gazetadan. —
• Abduraimovdan turli bosqichlarda sholiga qanday ishlov berishni oʻrganishdi. — "Oʻzbekiston quriqlari" —
• Ular [olimlar] mediklar bilan birga odamdagi turli kasalliklarni erta bosqichlarda topishning diagnostik modeli va programmasini ishlab chiqdilar. — Gazetadan. —

Source: Wiktionary