chertmoq

Meanings

1. Barmoq bilan keskin zarb bermoq, barmoq bilan urib, past, keskin ovoz chiqarmoq, taqillatmoq.
2. Burniga chertsa yiqilguday Juda ham ozgʻin, holdan toygan.
3. Chertmak bilan itqitmoq, uloqtirmoq.
4. Barmoq yoki barmoqlar bilan zarb berib chalmoq.
5. Hoʻkizning (yoki eshakning) qulogʻiga tanbur chertmoq q. tanbur.

Examples

• Oynani chertib chaqirmoq. Tarvuzni chertib koʻrmoq. Doʻppisini chertib tozalamoq.
• Avaz hazillashib, uning taqir boshiga ikki marta chertdi. — S. Siyoyev — Avaz.
• Boʻta idoraga kirib, stulga oʻtirdi. Nima qilishni bilmay, stolni chertib, xayolga toldi. — S. Ahmad — Hukm.
• Ixcham yelkalari yana ham kichkina tortib ketgan, burniga chertsa yiqilguday charchagan boʻlsa ham, oʻzini tetik tutishga.. tirishar edi. — Shuhrat — Shinelli yillar.
• Zokir qoʻlidagi qogʻozni ikki buklab, choʻntagiga soldi va yoʻl-yoʻl boston pidjagining yengiga yopishgan uvoqni chertib tashladi. — P. Qodirov — Uch ildiz.
• Mo'minjonning otasi quyuq qoshlarini chimirib, chekib turgan papirosini gullar orasiga chertib yubordi-da, uyga kirib ketdi. — Q. Maqsumov — Muhabbat qoʻshigʻi.
• Tor chertmoq. Doʻmbira chertmoq. U yaxshi chalayotganini, tor oʻzining qoʻlida bulbulday sayrayotganini bilar, bilgan sari zavq bilan chertardi. — O‘.Hoshimov — Bahor qaytmaydi.

Source: Wiktionary