kalima

Meanings

1. soʻz 1.
2. Ikki kalima soʻz; Ikki ogʻiz soʻz, qisqa xabar, maʼlumot.
3. Kalima keltirmoq; Kalimayi shahodatni aynan aytmoq; musulmon boʻlmoq; kalimai shahodatni takrorlab yurmoq.
4. Tili kalimaga kelmaslik; 1) kalimai-shahodatni aytolmaslik; 2) qoʻrqish, iztirobga tushish, achchiqlanish va sh. k. tufayli gapirolmay qolmoq.
5. Kalima(y)i shahodat; Musulmonlikka iqror boʻlish uchun yoki musulmonlik dalili, asosi sifatida aytiladigan arabcha ibora.

Examples

• Sidiqjon "unsur" kalimasini "hukumatga qarshi" degan maʼnoda ishlatar, bu yerdagilar ham shu maʼnoda anglar edi. — A. Qahhor — Qoʻshchinor chiroqlari.
• Bular bu yerda turaversin, endi ikki kalima soʻzni Koʻktemir podshohdan eshiting. — "Ertaklar".
• Aʼzamning uyidan kelgan xatdagi ikki kalima soʻz esiga tushdi: Togʻangning oʻgʻli Karimjon kelasi hafta uylanyapti. Katta toʻy qilishsa kerak, sen boʻlganingda.. — R. Fayziy — Choʻlga bahor keldi.
• Har qadamda kalima keltirib, parvardigori olamdan oʻz panohida asrashini yetti karra iltijo qildim. — H. Gʻulom — Mashʼal.
• Otangizning ham tillari burro edi. Lekin moddasini moddasiga toʻgʻrilab qoʻyganimda, tili kalimaga ham kelmay qolgan edi. — S. Anorboyev — Oqsoy.
• Ikkala qirgʻoqdagi bolalar ham uning maqsadini tushungan, ammo hech kimning tili kalimaga kelmas edi. — M. Hazratqulov — Jurʼat.
• Lekin Abdullaboy mahalla imomi huzurida kalimai-shahodatni ayttirib, nikoh oʻqittirib olgan edi. — Oybek — Tanlangan asarlar.

Etymology

soʻz, jumla, qisqa gap

Source: Wiktionary