mustaqil

Meanings

1. Ixtiyori oʻzida boʻlgan; tobe, qaram boʻlmagan.
2. Oʻzganing yordamisiz yoki rahbarligisiz ish qila oladigan, oʻzicha fikr yurita oladigan, yashay oladigan.
3. Faqat oʻziga taalluqli, oʻzgalar ishtirokisiz, taʼsirisiz boʻladigan.
4. Mustaqil soʻz Lugʻaviy maʼnoga, nomlash vazifasiga ega, yaʼni predmet, belgi, harakat kabilarni nomlaydigan yoki unga ishora qiladigan va gapning mustaqil boʻlagi vazifasida kela oladigan soʻzlar.

Examples

• Mustaqil davlat.
• Normuhammad qushbegi Qoʻqondan bosh tovlab, oʻz oldiga mustaqil hukumat eʼlon qilgan boʻldi. — A.Qodiriy — Oʻtgan kunlar.
• Doʻstlarining jilmaygan yuzlari.. uning [Elmurodning] hech qachon xayoliga kelmagan bir fikrni shivirlayotgandek boʻldi: "Biz endi jiddiy va mustaqil odamlarmiz".. deyayotganday tuyuldi. — P.Tursun — Oʻqituvchi.
• Endi u oʻzini mustaqil hayot yoʻliga qadam qoʻygan mustaqil bir kishi deb hisobladi. — S.Ahmad — Hukm.
• Oʻzining qiziqib, mustaqil shugʻullanishi natijasida bu tilni oʻqituvchisi bilan gaplasha oladigan darajada bilib oldi. — Mirmuhsin — Umid.
• Mening gapim shu: mustaqil fikringiz boʻlsa, yana oʻylab koʻring. — R.Fayziy — Choʻlga bahor keldi.
• ..uchala shogirdidan ham mingdan-ming rozi ekanini aytdi, endi mustaqil ish qilaverishlaringiz mumkin, deb fotiha ham berdi. — Mirmuhsin — Meʼmor.
• gul, chiroyli, sayramoq, besh, bu, qachon soʻzlari mustaqil soʻzlardir.

Etymology

[ arab. - erkin, ozod; tobe boʻlmagan, alohida ]

Source: Wiktionary