sirt

Meanings

1. . Narsalarning tashqi tomoni, tashqi yuzi.
2. . Narsa yoki kimsaning tashqi qiyofasi, koʻrinishi; zohiriy tomoni.
3. . Tashqari, chet.
4. . Geometrik shaklning tashqi yuzi, umumiy qismi.
5. . Tizma togʻ choʻqqilari.
6. Sirtdan 1) tashqi tomondan, tashqi koʻrinishidan.
7. Sirtdan qaraganda Bir qarashda shunchaki yoʻliga, yuzaki qaraganda.
8. Sirtdan oʻqish Oʻquv yurtiga qatnamay, mustaqil shugʻullanib oʻqish (yana sirtqi).
9. Sirtiga suv yuqtirmaslik Sira oʻziga olmaslik, parvo qilmaslik.

Examples

• Yer sirti. Oy sirti. Sirti koʻk idish.
• Bu choynakning sirti ajoyib naqshlar bilan bezatilgan ekan. — "Oltin olma".
• Kun tigʻ tortib, daryoning u tomonidagi adirlarning sirti toʻq yashil, jilgʻalari qora tusga kirdi. — A. Qahhor — Qoʻshchinor chiroqlari.
• Sirti yaltiroq, ichi qaltiroq. — Maqol.
• Siringni sirtingga chiqarma. — Maqol.
• Demak, u sirtdan husnga qanchalik boy boʻlsa, maʼnaviy jihatdan ham shuncha boy ekan-ku! — K. Yashin — Hamza.
• Bular sirtdan magʻrurdek koʻrinadilar. Biroq bu magʻrurlikka kirmaydi, buni kibr deyiladi. — Shukrullo — Saylanma.
• Dushmanning sirtida emas, ichida boʻl. — Maqol.
• Sinalmagan otning sirtidan oʻtma. — Maqol.
• Zumrad hanuz sirtda iymanib turardi. — S. Siyoyev — Otliq ayol.
• Men qoʻl qoʻyib, muhr bosar edim-u, lekin sirtdan turib sizlarga yordam berganim maqbul. — J. Sharipov — Xorazm.
• Yoʻq, shoir hissini boʻlmaydi aldab, Sirtdan baho berib boʻlmas kishiga. — Shukrullo — Saylanma.
• Shar sirti. Silindrning yon sirti. Botiq sirt. Uyurma sirt.
• Fanda sirtning xususiyatlarini oʻrganuvchi butun boshli yoʻnalishlar mavjud. — "Fan va turmush".
• Agar mana shu Muzloq togʻning choʻkkalagan nor tuyaning oʻrkachiga oʻxshagan sirtiga chiqilsa, kishining koʻzi oldida bir-biriga zid ikki dunyo ochiladi. — M. Ismoiliy — Fargʻonat. o.
• Qiz sirtdan koʻrimsizroq boʻlsada, koʻzlarida qandaydir sehr bordek edi. — "Yoshlik". — 2) shunchaki yoʻliga.
• Kapsanchilar sirtdan murosaga kelgan boʻlib, zimmalariga tushgan vazifalarni mumkin qadar tezroq bajarishga soʻz berib tarqalishdi. — A. Qahhor — Qoʻshchinor chiroqlari. 3) gʻoyibona, chetdan.
• Sizni sirtdan tanirdim, siz toʻgʻringizda koʻp eshitganman. — K. Yashin — Hamza 4) zimdan; yashirincha.
• Sirtdan gapirib yurmoq. Sirtdan ish bitirmoq.
• Eson bobo sirtdan qaraganda beparvodek koʻrinsada, miltiqni oʻgʻli olmaganini aniq bilgach, yuragiga gʻulu tushdi. — S. Yunusov — Kutilmagan xazina.
• Toshtemir sirtdan oʻqib, pedagogika institutini tugallab, diplom olishni orzu qilar edi. — Gazetadan.
• Mirkomil aka gʻala-gʻulaga aziyat chekadiganlardan emas. Sirtiga suv yuqtirmaydi. — M. Hazratqulov — Jurʼat.
• Mol olasi sirtida, odam olasi ichida. — Maqol..

Source: Wiktionary