taqlid

Meanings

1. . Shaxs yoki narsaning ovozi, xatti-harakati va shu kabilarni iloji boricha aniqlik bilan, oʻziday qilib aytish, bajarish; oʻxshatma ovoz, harakat qilish.
2. . Ijod, faoliyatda oʻzgalarga ergashish, oʻzgalar namunasi asosida ish olib borish.
3. Taqlid qilmoq (yoki etmoq) 1) oʻxshatma ovoz, harakat va shu kabilarni bajarmoq, qilmoq.
4. Taqlid soʻz yoki taqlidiy soʻz Turli tovush yoki obrazlarga taqlidni bildiruvchi soʻzlar. taq, gup, sharaq-shuruq, lip-lip, yalt-yalt va b.

Examples

• Shodon askiyalar, payrov va taqlid Davrani porlatar misoli chiroq. — A. Isroilov. —
• Ming yildirkim, bulbul kalomi Oʻzgarmaydi, yaxlit hamisha. Ammo shoʻrlik toʻtining holi Oʻzgalarga taqlid hamisha. — A. Oripov — Yillar armoni.
• Taqlid esa, aksincha, boshqa yozuvchiga koʻr-koʻrona ergashish, unda tasvirlangan hayot lavhalarini "oʻzlashtirib", mexanik suratda koʻchirishga olib keladi.. — Gʻ. Salomov — Tarjima nazariyasiga kirish.
• U qishloq korchalonlari va boyonlarining yurish-turishlarini, qiliqlarini juda doʻndirib taqlid qiladi. — H. Shams — Dushman.
• Fritslarning odatlari, yurish-turishlarini artistlardek harakatlar bilan jonli taqlid etib, masxara qilar edi. — Oybek — Quyosh qoraymas. 2) faoliyat, ijod va shu kabilarda oʻzgalarga ergashmoq, taqlidan ish olib bormoq, harakat qilmoq.
• Yomonni tanqid qiladi, yaxshiga taqlid qiladi. — Maqol. —
• Bola taqlidchi boʻladi, u.. oʻz otasiga taqlid qilishga harakat qiladi. — S. Zunnunova — Yangi direktor.

Etymology

arab. — vakolat berish; (amalga) tayinlash; oʻxshatish

Source: Wiktionary