taraddud

Meanings

1. Biror ishni, maqsadni amalga oshirish uchun koʻriladigan tayyorlik, bajariladigan xatti-harakat.
2. Umuman, biror ish, narsani tayyorlash, amalga oshirish harakati.
3. Qatʼiyatsizlik, ikkilanish holati; shunday holatda surilgan oʻy, fikr-xayol, tashvish, mulohaza.

Examples

• Imtihon taraddudi. Safar taraddudi.
• Har ikki tomon ham shu bugundan boshlab toʻy taraddudini koʻradigan boʻldilar. — P. Tursun — Uqituvchi.
• Sharq ufqida quyoshning oltin barkashi tepaga koʻtarilganda, okoplarda frontcha nonushta taraddudi boshlandi. — B. Imomov — Hormang, quroldoshlarim.
• Elchiyev ham jamgʻarmasidan yaxlitini koʻtarib, bozor-oʻchar taraddudiga tushdi. — E. Aʼzamov — Javob.
• Mulla Alimqul eshikdan kirib kelgan mehmon bilan koʻrishish va oʻz tagidagi koʻrpachadan joy berish taraddudida asta oʻrnidan qoʻzgʻaldi. — P. Tursun — Uqituvchi.
• Uning endigi taraddudi uchrashish yoki uchrashmaslik borasida emas, Raʼnoning oldiga ochiqcha borishmi, yashirinchami toʻgʻrisida edi. — A. Qodiriy — Mehrobdan chayon..
• Men Matlubaning.. shabadada toʻzgʻib, peshonasiga tushgan mayin sochlarini, taraddud ifodasi jilolanib, par-par yongan katta charos koʻzlarini koʻrdim-u, oʻzimdan ranjidim. — O. Yoqubov — Bir felyeton qissasi.
• Opa-singil oʻzlarini qayoqqa qoʻyishlarini bilmay, taraddudga tushib qoldilar, koʻchaga, yoʻlga qaradilar. — A. Muxtor — Opa-singillar.
• [Yoʻlchi] Mehmonxona eshigiga kelib, taraddudda qoldi: kambagʻal uchun oʻz haqini talab qilish ham qiyin. — Oybek — Tanlangan asarlar.

Etymology

arab. – biror qarorga kelolmay turish, ikkilanish; qatʼiyatsizlik

Source: Wiktionary