tinchlik

Meanings

1. Gʻala-gʻovur, shovqin-suron kabilardan xoli, tinch holat.
2. Kishini bezovta qilmaydigan, tinch, osoyishta holat.
3. Urish-janjalsiz, tinch holat; hamma narsa meʼyorida, joyida (odatda, hol-ahvol haqidagi soʻroqqa javob tarzida qoʻllana-di).
4. Urush, oʻzaro ziddiyatli toʻqnashuvlar va shu kabilardan xoli sharoit, tinch sharoit.
5. Tinchlik bermaslik 1) oʻz holicha, erkin ish tutishga qoʻymaslik, turli yoʻl, xatti-harakatlar bilan bezovta qilish.

Examples

• Hamma yoq tip-tinch.. ora-chora uzoqdan kelgan bola yigʻisi bu tinchlikni buzgandek boʻlar edi. A. — Qodiriy — Mehrobdan chayon.
• Ammo Salimning kutgani chiqmadi, qoʻrgʻonda avvalgiday tinchlik, jim-jitlik. — Oybek — Tanlangan asarlar.
• Uch kundan beri yamoqchining uyida tinchlik yoʻq. Bolalari qoʻrqib, koʻchaga chiqmaydilar. — Oydin — Hikoyalar.
• Gulnor shu topda yolgʻizlikni, tinchlikni istar edi. — Oybek — Tanlangan asarlar.
• -Xoʻsh, Sodiq polvon, ishlar qalay, Toshkentda nima gaplar bor? -Nima gagiar boʻlsin, Toshkentda tinchlik. Bahona bilan Toshkentni ham koʻrib oldik. A. — Qodiriy — Oʻtgan kunlar.
• -Ha, Boʻtaboy aka, bemahalda nima qilib yuribsiz? Tinch/shkmi? - Tinchlik, — dedi Boʻtaboy va otning jilovini uning qoʻlidan oldi. A. — Qahhor — Qoʻshchinor chiroqlari.
• Butun dunyodagi bizga oʻxshash mehnatkashlar bilan bir safda urushga qarshi, tinchlik uchun kurashmoq burchimiz. — Oybek — Nur qidirib.
• Tinchlik uchun kurash tobora qizgʻin tuye olmoqda. Ayollarga ham, bolalarga ham — hammaga tinchlik kerak. — "Saodat".
• Toʻgʻri, ular boy, juda boy. Ammo ular Gulnorga tinchlik bermaydi. — Oybek — Tanlangan asarlar.
• Devonaga bir piyola choy ichishga ham tinchlik bermadilar. A. — Qodiriy — Oʻtgan kunlar; 2) ruhan tinchligini buzmoq, tinchini olmoq.
• Bu savol Boboqulga mahkam yopishib oldi, bu toʻgʻrida nechogʻli oʻylamaslikka tirishmasin, yursa ham, tursa ham tinchlik bermasdi. — S. Anorboyev — Oqsoy.
• Oradan qancha yillar oʻtsa hamki, hamon mana shu hikoya menga tinchlik bermaydi. — Gazetadan. Tinchlik bormi? Xar-xashali, notinch holatdan norozilikni ifo-dalaydi.
• -Hoy, tinchlik bormi, yoʻqmi? -Axir bola kasal-ku. -Kasal boʻlsa, yigʻlatmagin. A. — Qahhor — Ogʻriq tishlar.

Etymology

tinch + lik

Source: Wiktionary