tinmoq

Meanings

1. Loyqa va sh. k. aralashma-larning choʻkishi natijasida tozalanmoq; tinimoq (suyuqlik haqida).
2. Gard-gʻubor, xira holatdan toza boʻlmoq, tiniqlashmoq, ravshan boʻlmoq.
3. Ish, harakatini toʻxtatmoq; dam olmoq.
4. Ogʻzi (yoki jagʻi, chakagi) tinmoq Gapi-rishdan toʻxtamoq, jim boʻlmoq. [Yormatning]
5. Harakati va oʻzi toʻxtamoq, bosilmoq.
6. Koʻzi tinmoq Boshi aylanib, koʻzi xira-lashmoq, koʻz oldi qorongʻilashmoq.

Examples

• Loyqa suv bir kechada zoʻrgʻa tindi. m
• Kun isib ketdi. Har qadamda xalqob boʻlib yotgan koʻlmaklar yerga singib, ariqlardagi loyqalar tina boshladi. — H. Nazir — Soʻnmas chaqmokdar.
• Yuvosh nurlar oʻynaydi, osmon gulday yashnar tobora tinib. — Sh. Rahmon.
• U kun boʻyi tinmadi. Eshak minganning oyogʻi tinmas, Ikki xotinlikning qulogʻi tinmas. — Maqol. ■■
• Oʻyinqaroq.. It tinsa tinadi, qush tinsa tinadi, bu tinmaydi. — H. Nazir — Soʻn-mas chaqmoqlar.
• Xotinlar, qaytaga, Onaxon ishdan tingan paytlarda toʻplanadigan boʻ-lishdi. — A. Muxtor — Opa-singillar.
• Qoʻllari etikni ishqalarkan, ogʻzi tinmadi: -Uh, oʻlib boʻldim, qizim! Yolgʻiz qoʻyni haydash — nuqul azob. — Oybek — Tanlangan asarlar.
• Shisha boʻshab, navbat pirojniyga yetgan mahal ham Gʻoyibning jagʻi tinmadi. — J. Abdullaxonov — Oriyat.
• Hamma shirin uyquda. Duranbekning qoʻrgʻonidagi boʻribosarning ham chakagi tingan. — A. Muhiddin — H. Tojiboyev, Otash qalbli qiz.
• Ariqda jildirab oqayotgan suv tindi. m
• Boʻron tinardi-yu, hamma yoq sokin boʻlardi. — "Oʻzbekiston qoʻriqlari".
• Maktabkoridori-da kechgacha gʻala-gʻovur tinmaydi. — R. Fayziy — Sen yetim emassan.
• Ertalab yomgʻir tingan, havo naqadar muloyim va orombaxsh. — J. Ab-dullaxonov — Oriyat.
• Otishmalar sekin-asta tindi. N. Safarov, Olovli izlar
• Tinkam qurib, koʻzim tinib, zoʻrgʻa shu yerga yetib yiqildim, singlim. — N. Safarov — Hayot mak-tabi.
• Salimxon qarorni oʻqiyotganda, qoʻllari qaltiradi, koʻzi tinib, boshi aylandi. — H. Gʻulom — Mashʼal.
• Uning qoʻl-oyoqlari titrab, oʻtirgan joyida koʻzi tina boshladi. — P. Kodirov — Yulduzli tunlar. Koʻngli tinmoq Xotirjam boʻlmoq, koʻngli toʻq, boʻlmoq.
• Shunday desam, doʻstim koʻngli toʻlar deb, Nima boʻlsa, mendan koʻngli tinar deb, Shul sababdan yoring koʻnglin soʻradim. — "Murodxon". Oʻzidan tinmoq Oʻzini oʻzi eplab, oʻz kunini oʻzi koʻradigan boʻlib olmoq, tinchimoq.
• Salomat toʻgʻrisida bir nima demayman. Shukur, u oʻzidan tinib ketdi. — H. Nosirova — Men oʻzbek qiziman.
• Ona, oʻzimdan tinib ketganman, birok Sening darding kalbimni sshadi har choq. — Gʻayratiy.

Source: Wiktionary