tugal

Meanings

1. Bitgan, chala yeri yoʻq, oxiriga, poyoniga yetkazilgan.
2. Toʻla-toʻkis, bekam-koʻst; toʻliq, but.
3. Toʻrt koʻz tugal; Hamma jam holda, birgalikda.

Examples

• Tugal ish. Tugal asar.
• Endi bilishimcha, biz oʻsha davrlarda oʻynagan narsalarimiz hali tugal boʻlmagan, ancha gʻoʻr asarlar edi. — H. Nosirova — Men oʻzbek qiziman.
• Elmurod birinchi kuni besh vaqt namozni tugal oʻqidi. Ikkinchi kuni uchtasini oʻqib, ikkitasini qazo qildi. — P. Tursun — Oʻqituvchi.
• Ona, tugal yozishdan qalamim ojiz. — Gʻayratiy.
• Tugal fikr. Tugal jumla.
• Ikki pud bugʻdoy bilan besh pud sholi berib qutulmoqchi boʻlibdi. Janish boʻlsa, tugal berasan, deb turib olibdi. — H. Shame — Dushman.
• Domlangizni shundoq katta professor qilib, obroʻ, uy-joylarimiz tugal boʻlganda, shularni tashlab ketib qolamanmi, deb qoʻrqaman. — Mirmuhsin — Umid.
• [Choʻpon:] Qoʻy, mol ketsa ketsin, bosh sogʻ boʻlsa, toparmiz. Qoʻy, toʻrt koʻz tugal yoʻl olganimiz ancha gʻanimatdir. — Hamza — Maysaraning ishi.
• Vaqti bilan toʻrt kuz tugal boʻlamiz. — Shuhrat — Jannat qidirganlar.

Source: Wiktionary