Толковый словарь

g‘animat

ғанимат

Значения

. Urushda yoki ovda qoʻlga kiritilgan narsa, oʻlja.
. Umuman, qoʻlga kirgan, ega boʻlingan narsa.
. Shaxs, holat yoki narsaning mavjudligi vaqtinchalik, oʻtkinchi va qaytmaydigan ekanini bildiradi.

Husayn Boyqaro merganlar bilan birga tantanali ov haftalari tuzib, qorli sahrolarga suron solar, katta gʻanimat bilan qaytardi. — Oybek — Navoiy.
Qaldirgʻoch uchib ketayotib, gʻanimatini tutaveradi, yerda esa ojiz boʻlib qoladi. — Gazetadan.
Oʻgʻillari oʻttizinchi yillarda otalaridan meros qolgan gʻanimatlarni choʻntakka solib, ming mashaqqatlar bilan Mashhadga qochgan edi. — A. Hakimov — Ilon izidan.
Hatto bizning davrimizda kelib chiqqan "Yoz neʼmati — qish gʻanimati" degan maqol ham konserva sharofatiga aytilgandir. — K. Mahmudov — Qiziqarli pazandalik.
Dam gʻanimat. Yoshlik gʻanimat. Vaqt gʻanimat.
Fursat gʻanimatdir, shoh satrlar-la Bezamoq chogʻidir umr daftarin. — Gʻ. Gʻulom. —
Gulchehraga eri bilan totuvligi ham gʻanimatdek tuyulardi. — S. Zunnunova — Goʻdak hidi.
Biz ham gʻanimat, bugun bormiz, ertaga.. oʻzi biladi. — M. Mansurov — Yombi.

arab. – urushda qoʻlga kiritilgan narsa, oʻlja; ovlangan narsa

Источник: Викисловарь

Просмотров: 0