ko‘lanka

Значения

1. Oftob nuridan toʻsilgan joy; soya.
2. Kishi va narsalarning yorugʻlikka qarama-qarshi tomonga tushadigan soyasi.
3. Uzoqda, qorongʻilikda, tumanda gʻira-shira koʻringan narsa; qora, sharpa.
4. Biror ichki ruhiy holatning (mas. tashvish, gʻam, azob) ifodasi, aksi.
5. koʻchma (3-sh. egalik va oʻ.-p. k. shaklida) Biror kimsaning himoyasi; panoh, homiylik.
6. Narsalarning boshlangʻich shakli, hali toʻla shakllanmagan umumiy koʻrinishi.
7. Koʻlankasi qolibdi - Juda ozib ketibdi, ramaqijon boʻlib qolibdi.
8. Oʻz koʻlankasidan (ham) qoʻrqmoq - Har narsadan qoʻrqadigan, xavfsiraydigan boʻlmoq.
9. Oʻzi xon, koʻlankasi maydon - q. xon.
10. Qora koʻlanka - Yomonlik, balo ramzi.

Примеры

• Abduvahob ayvondagi koʻlankaga oʻtirdi, oʻgʻilchasini tizzasiga olib, peshonasidan oʻpdi. — Sh. Toshmatov — Erk kushi.
• Mashina teraklarning quyuq koʻlankasi ostida uchib borarkan, Qudratning doʻstlari koʻm-koʻk va boʻliq paxtazor dalalarni unga koʻrsatib, faxrlanar edilar. — 3. Fatxullin — Soʻnmas yulduz.
• Aravani ot tortar, koʻlankasini it tortar. — Maqol. n
• Olis-olislarda yigitlarning koʻlankalari koʻrinadi. — "Oʻzbekiston qoʻrikdari". Roʻparadagi uyda chiroq yondi. Darparda orqasida tebranib turgan koʻlanka toʻxtadi. Gazetadan.
• Qaragʻaylarning koʻlankasi tungi sokin havoda qimir etmay turardi. — M. Muhamedov — Qahramon izidan.
• Koʻngli aldamagan ekan: uzoqdan alaqanday koʻlanka qorayib koʻrindi. — X. Sultonov — Onamning yurti.
• Bashorat yaqin bordi, koʻlanka yana qimirladi. — A. Muxtor — Opa-singillar.
• Sheʼriyat boshiga zulmat koʻlankasi tushdi. — Zulfiya — Xayollar, tuygʻular.
• ..uning [Madrayimning] nuroniy chehrasini, xuddi quyoshni bulut bosganidek, qaygʻu-alam koʻlankasi chul-gʻab oldi. — "Mushtum".
• Iqbol xola uning chehrasidagi alam koʻlankasini ilgʻamadi. Oʻ. — Hoshimov — Qalbingga quloq sol.
• Birovning koʻlankasida yashamoq. m
• -Qalay, Homidbek, yurtlaringiz tinch-likmi? -Xudoga shukur, davlatlari koʻlanka-sida. — A. Qodiriy — Oʻtgan kunlar.
• Chigit ekish boshlanguncha, yangi qishloqning koʻlankasi koʻrinib qoldi: ..hali ochilmagan koʻchalarning ikki yuziga sakson besh mingdan ortiq koʻchat oʻtqazildi. A. — Qahhor — Qoʻshchinor chiroqlari.
• Soʻrila-soʻrila koʻlankasi qolgan sovliq nimaga yaraydi? — S. Anorboyev — Oqsoy. Koʻlanka (sini) solmoq - Salbiy taʼsirini oʻtkazmoq.
• [Nigoraning].. bu tabassumi zoʻrma-zoʻraki ekanini, qanday-dir gʻussa yuziga koʻlanka solib turganini Sherbek bir boqishdayoq payqadi. — S. Anorboyev — Oqsoy.
• Urush barcha qatori Maqsuda opa-ning ham boshiga oʻz koʻlankasini soldi. — Gazetadan.
• Lekin Madamin yuragini oldirib, oʻz koʻlankasidan qoʻrqadigan boʻlibqoldi. — P. Tursun — Oʻqituvchi.
• Bilaman, ana, hozir sen turgan oʻlka Boshi-da qanot yozgan qora koʻlanka. — Gʻayratiy.

Источник: Викисловарь