hayf

Meanings

1. . Arzimaslik, munosib emaslikni, achinishni bildiradi; attang, afsus, esiz.
2. . Tan olmaslikni, eʼtirozli munosabatni bildiradi.
3. Hayf ketmoq Bekor, befoyda ketmoq.
4. Hayf koʻrmoq Biror narsaga loyiq, munosib hisoblamaslik, noloyiq topmoq.
5. Hayf qilmoq Bekor ketkazmoq.
6. Hayfi kelmoq Achinish bilan qaramoq, achinmoq.

Examples

• Churuk uyingga hayf shunday farishta! — Oybek — Ulugʻ yoʻl.
• Nima qilasiz surishtirib? Hayf maktab, hayf bularga sarf boʻlgan pul! — P. Tursun — Oʻqituvchi.
• Yoʻq, adras hayf, Raʼno, — dedi toʻnni tahiga solib [maxdum], — haligi boʻzni beraver! — A. Qodiriy — Mehrobdan chayon.
• ..hatto koʻchalarda uni toʻxtatib, "hayf senga" deganlarning koʻpligini jigʻibiyron boʻlib gapirdi. — Oybek — Nur qidirib.
• Hayf shunaqa ovqatga.. axir menga ham kalla goʻshtidan qilingan ovqat keltirasanmi?! — "Mushtum".
• Nima deyapsiz oʻzingiz?.. Kap-katta odam.. Hayf sizday oqsoqolga! — P. Tursun — Oʻqituvchi.
• ..shuncha vaqti hayf ketganiga afsuslanib, yana shitob bilan yozishga kirishdi. — X. Sultanov — Onamning yurti.
• Afandi uning soxt-sumbatiga qarab turib: "Oʻn besh kundan keyin oʻlasan, dori hayf ketadi, — dedi." — "Mushtum". —
• ..siz boʻlsangiz, benzinni hayf koʻrib yuribsiz. — N. Safarov — Katta karvon yoʻlda.
• Maynani boshdan-oyoq koʻzdan kechirib, oydek yosh juvonni eski-tuski kiyim-kechakda hayf koʻrdi. — Sh. Toshmatov — Erk qushi.
• Qizining bir yillik umrini hayf qilish onaga mumkin emasday koʻrinardi. — P. Qodirov — Uch ildiz.
• Maynaning bu ulugʻ, sodda kishilarning goʻshtsiz shavla, yogʻsiz non yeyishlariga hayfi keldi. — Sh. Toshmatov — Erk qushi.

Etymology

arab. – adolatsizlik, nohaqlik va shundan yetgan ozor, alam

Source: Wiktionary