loy

Meanings

1. Nam taʼsirida yoki suv bilan qorishib, yumshoq va yopishqoq massa holiga kelgan tuproq.
2. Suv ostiga oʻtirib qolgan togʻ jinslaridan, qum, tuproq zarrachalaridan hosil boʻlgan choʻkindi; balchiq (baʼzi turlari shifobaxsh boʻlib, davolash maqsadlarida ishlatiladi).
3. Tuproqni suvga qorib, baʼzan somon, jun kabi narsalar aralashtirib tayyorlangan maxsus qurilish materiali.

Examples

• Yomgʻir yogʻdi - koʻcha loy boʻldi.
• Mashina loy sachratdi.
• Bola suvni koʻp sepib, yerni loy qilib yuborgan edi. — Abdulla Qodiriy — Mehrobdan chayon
• Deyarlik har qadamda bir poy kavushi oyoqdan tushib, loyga botar, qiz engashib olar.. edi. — Oybek — Tanlangan asarlarLoy boʻlmoq - 1) loy tegib ifloslanmoq.
• Adolat ajriq kovlagan edi, barmogʻi loy boʻldi. — Ibrohim Rahim — Chin muhabbat 2) xijolatdan, uyatdan qizarib, yerga qaramoq, noqulay ahvolda qolmoq.
• Ariqning loyini tozalamoq.
• Somonli loy.
• Kulol loyi.
• Loy qilmoq.
• Loy pishitmoq.
• Loy suvoq.
• Sovuqda loy qorib, oyogʻimiz kesak, burnimiz sholgʻomday boʻlib ketdi. — Ergash Raimov — Ajab qishloqIshning tagi loy - ishning oqibati yomon, chatoq.Loy chaplamoq - xunuk, noqulay, haqoratli vaziyatga qoʻymoq; bulgʻamoq.
• Firibgarlik, zimdan uzatilgan qancha-qancha pora obroʻli kishilarni jarga uloqtirdi, vijdonlariga loy chapladi. — GazetadanLoyga bulgʻamoq (yoki belamoq) - qoralamoq, yerga urmoq; dogʻ tushirmoq, isnod keltirmoq.
• Butun Oltinsoyga mazax boʻlganingni bilasanmi? Or-nomusimni loyga belading, dogʻ oʻlguncha ketmaydigan boʻldi. — Sharof Rashidov — Boʻrondan kuchliSuv boshidan loy - ish yuqoridan buzilgan, ishni avval boshliq buzgan.
• -Agar komissiya raisi, - dedi Shukur, - tuzuk odam boʻlsa edi, Oʻrmon polvonning gapiga kirib surishtirmasdan, tekshirmasdan shuncha urardimi? -Suv boshidan loy, - dedi Gʻoyib. — Ayniy — Qullar

Etymology

Forschadan - لای - balchiq, loyqa; choʻkindi; botqoq.

Source: Wiktionary