sayoz

Meanings

1. sifat Uncha chuqur boʻlmagan, chuqur emas (daryo, koʻl, ariq va shu kabi haqida).
2. Yuzalab, chuqurlashmasdan.
3. Mazmunan siyqa, yuzaki, gʻoʻr.

Examples

• Hali yomgʻirlar boshlanmagani uchun, anhor suvi tiniq, lekin toshlari koʻrinib turgan sayoz chekkalari shishaday rangsizu, chuqur joylari koʻkimtir-yashil. — P. Qodirov — Uch ildiz.
• Biz, bir eshelon soldat, bepoyon dashtga tushib, sayozgina daryo boʻyida chodir tutib yotardik. — O. Yoqubov — Izlayman.
• Boshliq, bir kolxoz traktorchisi oʻn uch gektar yerni sayoz haydagani uchun sud uni qayta tekinga haydab berishga.. hukm chiqarganligini aytib berdi. — J. Abdullaxonov — Toʻfon.
• Sayoz oqqan daryo shagʻillaydi, deganlaricha bor ekan. — S. Karomatov — Hijron.
• Xomxatala asarlarga, gʻoyaviy-badiiy sayoz buyurtmalarga chek qoʻyish vaqti allaqachon keldi. — Gazetadan.
• [Salimxonning] ilmi juda sayoz, faqat qaqillab gapirishi bor.. — Mirmuhsin — Umid.

Source: Wiktionary