Explanatory dictionary

sistema

система

Meanings

Ish-harakat, turli jarayon va shu kabilarda qismlarning oʻzaro joylashishi va bogʻliqligidagi tartibot, tizim.
Narsa, hodisa va tushunchalarning tasnifi.
Biror taʼlimotda asos boʻlgan qoidalar, qarashlar, tamoyillar majmui.
Biror ish metodlari, tartib-usullari majmui.
Qonuniy tartibda joylashgan va oʻzaro uzviy bogʻlangan qismlardan, elementlardan tarkib topgan butunlik.
Vazifalariga koʻra bir xil yoki tashkiliy jihatdan bir butun boʻlib birlashgan tashkilotlar yoki muassasalar majmui.
Bir maqsad, ayni bir ish, vazifani bajarish uchun belgilangan moslama, mashina, mexanizm va shu kabilardan tarkib topgan yaxlit texnik qurilma.
Biror ishni tashkil etish, uyushtirish yoki amalga oshirish shakli, prinsipi.
Ijtimoiy tuzum, ijtimoiy qurilish shakli.
Meʼyoriy, odatiy, muntazam tusga kirgan, shu tarzda amalga oshadigan ish-harakat, jarayon.

Linneyning botanik sistemasi.
Dekartning falsafiy sistemasi.
Davolash sistemasi. Taʼlim-tarbiya sistemasi. n
Taʼlim-tarbiya saviyasini oshirishda kabinet sistemasiga oʻtish oʻzining afzalliklarini koʻrsatayotir. — Gazetadan.
Tilning tovush sistemasi. Terminologik sistema. Qon tomirlar sistemasi. n
Maʼlumki, zamin Yer sayyorasi Quyosh sistemasida koinotning bir kichik boʻlagi sifatida paydo boʻldi va taraqqiy etdi. — Gazetadan.
Olimlarning yakdillik bilan aytishlaricha, markaziy nerv sistemasi gʻoyat nozik nerv hujayralaridan iborat. — "Saodat". Elementlar davriy sistemasini yaratgan Mendeleyev universitetga kirish uchun bir necha marta uringan, lekin har safar.. ximiyadan "yiqilgan". "Fan va turmush".
Xalq maorifi sistemasi. Fanlar akademiyasi sistemasi.
Isitish sistemasi. Energetik sistema. Sugʻorish sistemasi. n
Uning tashabbusi bilan bogʻcha gazlashtirildi, qishda bugʻ bilan isitish sistemasiga oʻtkazildi. — Gazetadan.
Saylov sistemasi. Mehnatga haq toʻlash sistemasi.
Ertalabki gimnastika oʻziga xos sistemaga aylandi.

yun. systema — yaxlit; qism-lardan tarkib topgan

Source: Wiktionary

Views: 0