tortmoq

Meanings

1. Biror yeridan ushlab, tutib, oʻziga tomon surmoq yoki surishga harakat qilmoq.
2. Orqasiga tirkalgan, qoʻshilgan holatdagi narsani kuch bilan olgʻa yurgizmoq, yurgizib olib bormoq.
3. Ichiga kuch bilan yoʻnaltirmoq, yuritmoq.
4. Biror nuqta (joy)dan boshqasi oraligʻiga oʻtkazmoq, yuritmoq.
5. Atrofidan tarang qilib oʻtkazmoq, bogʻlamoq.
6. Biror narsani, uning sirtini, ochiq joyni toʻsmoq, berkitmoq.
7. Oʻziga qaratmoq, moyil qilmoq, jalb etmoq.
8. Biror ishga aralashtirmoq, qotishtirmoq, jalb etmoq.
9. Oʻzini, kimsa yoki narsani biror joyga, holatga olmoq.
10. Ayrim soʻzlar bilan qoʻllanganda, "urmoq" maʼnosini bildiradi.
11. Ulashmoq, tarqatmoq, qoʻymoq (mehmonlarga ovqat).
12. Tarozida ogʻirligini oʻlchamoq.
13. Chizmoq, chiziq shaklida iz solmoq; qazimoq.
14. Tegirmonda donni unga aylantirmoq.
15. Kamaytirmoq, ozaytirmoq; cheklab qoʻymoq.
16. Oʻziga singdirmoq, shimmoq.
17. Zarralar, jismlar oʻrtasidagi joziba kuchi tufayli oʻz tomoniga surmoq.
18. Biologik, jismoniy tuzilish yoki maʼnaviy jihatdan tuqqanlariga, tugʻishganlariga oʻxshamoq.
19. Boshdan kechirmoq, chekmoq; his qilmoq, sezmoq.
20. Oʻzi birikib kelgan soʻz bildirgan holat-vaziyatni egallamoq maʼnosini bildiradi.
21. "Koʻngil", "dil" kabi soʻzlar bilan qoʻllanib, ixtiyor etmoq, xohlamoq maʼnosini bildiradi.

Examples

• Eshikni tortib ochmoq.
• Qoʻlidan tortib turgʻizib qoʻymoq.
• Sidiqjon tutning ostida otning boshini tortib: - Tut yemaymizmi? - dedi. — Abdulla Qahhor — Qoʻshchinor chiroqlari
• Anzirat kampir kuti oʻchib, oʻrnidan turdi, Bashoratning yoniga kelib, uning boshini koʻkragiga tortdi. — Asqad Muxtor — Opa-singillar
• [Gavhar] Talʼat bilan yuzma-yuz turgan Mansurning qoʻlidan ushlab tortdi.. — Oʻtkir Hoshimov — Qalbingga quloq solBurnidan tortsa yiqilguday - burun.Dorga tortmoq - dorga osmoq.
• Olib kelib, dorga tortib oʻldirib.. — "Yusuf va Ahmad"Yoʻl tortmoq - yoʻl yurmoq, yoʻlda davom etmoq.
• Ot oʻynatib yoʻl tortdi. Yakka dushmanning yoʻliga. — "Gulshanbogʻ"Oyogʻi tortmaslik - biror yerga borishga dili roʻyxush bermaslik.
• Oʻrganmagan yerga borishga oyogʻim tortmadi. Biroq ayam xafa boʻlmasin, deb aytolmadim. — Sa’dulla Siyoyev — YoruglikOyogʻidan tortmoq - biror noxush ish-holatga jalb etmoq, duchor qilmoq.
• Nechun bir-birining koʻziga choʻp solur, bir-birining oyogʻidan tortur, vaqti kelsa, bir-birining boʻgʻziga panja urmoqdan toymas. — Sa’dulla Siyoyev — AvazOyogʻini tortmoq - bormaydigan, kelmaydigan (umuman, qatnamaydigan) boʻlmoq, qadamini uzmoq.
• U qamalgan kundan beri oyogʻini tortgan, hatto koʻchib ketganlar ham keldi. — S. Yunusov — Kutilmagan xazina
• ..teplovoz soʻnggi marta qichqirib, sostavni tortib ketdi. — Hamid Gʻulom — Feruza
• Hoʻkiz kallasini egib, omochni tortishga urinar, qoʻshchi esa hadeb qistardi. — Mirzakalon Ismoiliy — Fargʻona tong otguncha
• Kichkinagina mashinasini tortib yurgan bola Muhiddinni oʻziga jalb qildi. — Rahmat Fayziy — Choʻlga bahor keldiAravangni tort - arava.Qoʻshin (yoki lashkar, askar) tortmoq - qoʻshin (lashkar, askar) bilan yurish qilmoq, bosib bormoq.
• Lashkar tortib yurish qilsa, Oʻnin koʻzlab, birin sanchar. — "Gulnorpari"
• Goʻroʻgʻli dushmanga askar tortadi, Oriyat yoʻlida jonin sotadi. — "Gulshanbogʻ"
• Domiga tortmoq.
• Qaʼriga tortmoq.
• Nishonov papirosini tutatib, yaxshilab tortib oldi-da, stol ustiga engashdi. — Saida Zunnunova — Yangi direktor
• Muqaddam flakondagi dorini shpritsga tortib oldi-da, ignasini yuqoriga koʻtardi. — Oʻtkir Hoshimov — Qalbingga quloq sol
• Zulfiqor, boboning qoʻlidan teshani olib, [qoziqni] yana ham mustahkamladi-da, Meʼmorga qarab: -Endi ustiga mix qoqib, kanop tortaversak boʻladimi? - deb soʻradi. — Mirmuhsin — Meʼmor
• Bir necha kun ilgari aloqachilar sim tortib yurib, Davronni uchratishgan edi. — Toshtemir Rustamov — Mangu jasorat
• Hotam esa otining ayil-pushtanini qaytadan tortdi.. — M. Hazratqulov — Jurʼat
• Qarshisida koʻkragidan qayish tortgan, qizil shapka kiygan militsioner turibdi. — "Guldasta"
• Betiga niqob tortmoq.
• Bir tomonda dorbozlar dor tikadi, qoʻgʻirchoqbozlar chodirxayol pardasini tortadilar. — Sa’dulla Siyoyev — Avaz
• Haligi xotin qisilgandanmi, uyalgandanmi, boshidagi oq doka roʻmolini yuziga tortib, "qoʻya ber" deganday qilib, boshini silkitdi. — Oydin — Fonar tagida
• Diqqatni oʻziga tortmoq.
• Quyosh, toza havo, keng, tiniq zangori osmon koʻzlarni beixtiyor tortadi. — Oybek — Tanlangan asarlar
• Toʻlqinjon.. shu kungacha Hurini sira qiziktirmagan edi. Garchi Toʻlqinjon chiroyli boʻlsa ham, qizni oʻziga tortmasdi. — Farhod Musajonov — Huri
• Olib kirilgan choy ham sovib qolar, allaqanday oʻlchovlar - uchburchaklar xayolini tortib ketardi. — Mirmuhsin — Meʼmor
• Ishga tortmoq.
• Oʻqishga tortmoq.
• Shahidbek mulla Abdurahmonni soʻzga tortdi: -Nima lavozimatdalar, taqsirim? — Abdulla Qodiriy — Mehrobdan chayon
• "Bunday qilaman, - labini qimirlatib, oʻz-oʻziga shivirladi Yoʻlchi, - avval shunday odamlarni tortamanki, oʻzimga qanday ishonsam, ularning diliga shunday ishongan boʻlay". — Oybek — Tanlangan asarlar
• ..ular orasidan bizni qoʻllab-quvvatlayman, deganlarini xizmatga torting. — Komil Yashin — Hamza
• Bundan oʻzini tortmoq.
• Doʻstini chetga tortmoq.
• Matpanoning biqinida turgan qalandar unga boshdan-oyoq razm soldi, oʻzini sal chetga tortdi. — Sa’dulla Siyoyev — Avaz
• Kichik ofitser ham, soldatlar ham ulardan oʻzlarini tortishdi. — Mirmuhsin — Chodrali ayol.
• Bir kuni kechqurun, yotar mahalda ayamni chetga tortib shivirladim. — Sa’dulla Siyoyev — YorugʻlikBosh tortmoq - bosh.
• Armani usta qora marmar lavhadagi soʻzlarni oʻchirib, qayta yozishdan keskin bosh tortdi. — Ne’mat Aminov — SuvarakTap tortmaslik - qoʻrqmaslik va chekinmaslik.
• Har qanday mushkuldan tap tortmay, tikka qarshi boradigan oʻtyurak koʻrinadi. — Asqad Muxtor — Boʻronlarda bordek halovat
• Yusuf qiziqqa nihoyat darajada qattiq botganidan, sira tap tortmay, boyni savalay ketdi. — Komil Yashin — Hamza
• Tigʻ tortmoq.
• Tarsaki tortmoq.
• [Dadam] Oldimga keldilar-u, shapaloq bilan tortib yubordilar. — Ergash Raimov — Ajab qishloq
• Otliq bor kuchi bilan dehqonning yuz-koʻzi aralash qamchi tortib yubordi. — Sa’dulla Siyoyev — Yorugʻlik
• Mehmonlarga osh tortmoq.
• Patnis tortmoq.
• Norinni tortib boʻlgandan keyin Anorgul hamma tovoq-qoshiqlarni toza qilib yuvib oldi. — Oydin — Hazil emish
• Taomning ustidan qizlar tortadi Beklarga opkelib qovurma goʻshtni. — "Alpomish"
• Qovunni tortib koʻrmoq.
• Tortib berganda, oʻzinglar qarab turganmidinglar? Nima endi kam deb, betinglarni yulasizlar? — Mirzakalon Ismoiliy — Fargʻona tong otguncha
• Bir oydan keyin qoʻyni tortib koʻraman, qoʻy semirmasligi kerak (debdi xon). — "Chalpak yoqqan kun"
• Chiziq tortmoq.
• Reja tortmoq.
• Joʻyak tortmoq.
• Meʼmor oʻz chodiri yonida yelkasiga peshmatini solib.. kitob oʻqir, tosh bostirib qoʻygan yaxlit qogʻozni olib, chiziqlar tortar, xayol surar edi. — Mirmuhsin — Meʼmor
• Togʻa vaʼdasida turib, kanaldan ariq tortib kelishga odam yubormasa, ishimiz chatoq boʻladi. — Said Ahmad — Ufq
• Un tortmoq.
• Tegirmonchi: -Ertaga keling, afandi, bugʻdoyingizni tortib qoʻyaman, - debdi. — M. Hazratqulov — Jurʼat
• Puldan bir oz tortib qoʻymoq.
• Mol degani iymasa, tanasi yayramaydi, Tanasi yayramasa, sutini tortadi, - dedi Adol xola. — A. Mirahmedov — Oʻt yuraklar
• Chuqur suvni tortib ketibdi.
• Guruch suvini tortibdi.
• Magnit temirni tortadi.
• Qazisan, qartasan - axir aslingga tortasan. — Maqol
• Sen kimga tortding-a? Ota-onamiz qoʻydan ham yuvosh odamlar edi-ku! — Yo. Xaimov, M. Rahmonov — Hayot-mamot
• -Buningiz shahzodalarga munosib, - dedi Oysha xola sekingina Sanam otinga oʻgirilib. - Onasiga tortdi. — Sh. Toshmatov — Erk qushi
• Otangga tortib, xotin kishini xoʻrlasang agar, senga bergan oq sutim harom boʻladi, oʻgʻlim, bilib qoʻy shuni! — Sunnatilla Anorboyev — Mehr
• Azob tortmoq.
• Tashvish tortmoq.
• Dard tortmoq.
• Xijolat tortmoq.
• [Valixoʻja tutaqib:] Uchastkani sen qil-u, jabrini men tortaymi? — N. Safarov — Hayot maktabi
• Roʻzgʻordan shunday tanglik tortdikki, gapirsam, balki ishonmaysiz. — Oybek — Tanlangan asarlar
• Ingichka tortmoq.
• Yoʻgʻon tortmoq.
• Baquvvat tortmoq.
• Qurbon ota ancha dadil tortdi. — Samar Nurov — Narvon
• Momaqaldiroq guldurab, u hushyor tortdi. — "Yoshlik"
• Darhaqiqat, kuz havosi musaffo boʻlib, sumbula suvi tiniq tortadi. — Gazetadan
• Yoʻldan oʻtayotib, koʻnglim tortib, bir koʻray dedim sizni. — Samar Nurov — NarvonPanoh tortmoq - panoh.
• Sizni panoh tortib keldik, ustod. Maqsad - mana shu oʻgʻlimni shogirdlikka qabul qilsangiz.. — Mirmuhsin — Meʼmor

Source: Wiktionary