uchramoq

Meanings

1. Qarshisidan chiqmoq, duch kelmoq.
2. Huzurida, suhbatida boʻlmoq; uchrashmoq.
3. Qismatiga tushmoq, nasib boʻlmoq, yoʻ-liqmoq.
4. Mavjud boʻlmoq, boʻlmoq.
5. Duchor boʻlmoq, yoʻliqmoq.

Examples

• Yoʻlda ikki otliq uchradi. Bu joy-da birorta tanish uchramadi. m
• Sel oqimi yoʻlida uchragan hamma narsani ostin-ustun qilib, shaharga bostirib kelardi. — Gazetadan.
• Otasiga uchrab, oʻzimni tanitdim, qimtinib, tortinib, arzimni aytdim. — "Mushtum".
• Ana shundan keyin Gʻulomjon shaharga tushib, toʻgʻ-ri hokimga uchradi. Uham mingboshiday yumshoq muomala qildi. — M. Ismoiliy — Fargʻona tong otguncha.
• Qoʻyaver, xotin, shu qizga ham menga oʻxshagan koʻsa kuyov uchrasin. — S. Ahmad — Hukm.
• Hech qayerda bunday ulgurji gʻanimat uchramadi. — A. Qahhor — Bashorat.
• Bu kasallik koʻpincha yoz oylarida tarqaladi va 2—8oylik qoʻzi, uloqlarda koʻproq uchraydi. — "Fan va turmush".
• Mening boshqalarda uchramaydigan yana bitta fazilatim bor. — X. Toʻxtaboyev — Shirin qovunlar mamlakati.
• Tavba deng, bolam, boʻydoqsiz, yana shunday tannozlardan biriga uchrab.. — "Guldasta".
• Umrim pakkasiga yetay deganda, xudoning qahriga uchradim, qi-zim. — K. Yashin — Hamza.
• Mariyaning baxtiga qarshi, amaki sil kasalligiga uchrab, ishdan qoldi. — Oybek — Tanlangan asarlar.

Source: Wiktionary