Толковый словарь
bermoq
бермоқ
Значения
- Qoʻliga tutqizmoq; qoʻliga yoki ixtiyoriga topshirmoq.
- Ehtiyojini, talabini qondirmoq; yoʻq narsa bilan taʼminlamoq.
- Baxsh etmoq, bagʻishlamoq; ruhiy holat, kayfiyat, koʻrinish paydo qilmoq.
- Biror muassasaga oʻrnashtirmoq, kiritmoq.
- Mahsulot yetishtirib, tayyorlab yetkazib turmoq; oʻz mahsuli bilan taʼminlamoq.
- Nashrga kiritmoq, bosmoq, eʼlon qilmoq; eshittirmoq; koʻrsatmoq.
- Ayrim otlar bilan qoʻshma feʼl yasaydi, :
- -(i)b affiksli ravishdosh shaklidagi yetakchi feʼl bilan birikadi va: 1) harakatning birov, oʻzga uchun bajarilganligini ifodalaydi.
- -a, -y affiksli ravishdosh shakllaridagi yetakchi feʼllar bilan birikib kelganda, koʻpincha -ver shaklida talaffuz qilinadi va quyidagi maʼnolarni ifodalaydi: 1) yetakchi feʼldagi harakatning bajarilishi uchun qarshilik, monelik yoʻqligini, u bemalol bajarilishi mumkinligini anglatadi.
- Yetakchi feʼl sifatida qoʻshma feʼllar tarkibiga kiradi, :
Примеры
- Berganning betiga qarama. — Maqol
- Olmoqning bermogʻi bor. — Maqol
- Haligi xatni u tanaffusga chiqqanda Rustamga bermoqchi edi. — Oʻtkir Hoshimov — Qalbingga quloq sol
- Viktor ham koʻrishib, hol-ahvol soʻrashgach, qoʻliga telegrammani berdi. — Sa’dulla Karomatov — Oltin qum
- Ekinga suv bermoq.
- Molga xashak bermoq.
- Qurilishga mablagʻ bermoq.
- Bola yigʻlamasa, ona sut bermas — Maqol
- Qurilish tresti unga yotoqxonadan joy berdi. — Oʻtkir Hoshimov — Qalbingga quloq sol
- Bandaning rizqini ollo beradi. — Komil Yashin — Hamza
- Boyning qiziga rahmi kelib, unga non beribdi. — "Bulbuligoʻyo"
- Qoʻsha qarindoshlar, yaxshi farzandlar bersin. — O‘tkir Hoshimov — Qalbingga quloq sol
- Sherigim unga bir stakan suv berdi. — Abdulla Qahhor — Asarlar
- Quryoz aka shuni kutib turganday: -Men qoʻylarga tomoq beray, - deb qoʻzgʻaldi. — Sa’dulla Siyoyev — Yorugʻlik
- Musiqa dillarga orom beradi.
- Sayohat gashti, togʻlar oʻrkachi, rango-rang tabiat koʻzlarni yashnatib, dillarga orom beradi. — Gazetadan
- Mansur akalarcha mehribonlik bilan Gavharning yelkasidan tutib, dalda berdi. — Oʻtkir Hoshimov — Qalbingga quloq sol
- [Nuri] Gulnor toʻgʻrisida soʻzlaganda, tovushiga sirli ohang berdi. — Oybek — Tanlangan asarlar
- Uning [Kumushning] nafis qora sochlari orqa-oʻngiga toʻzgʻib, ajib bir manzara berdilar. — Abdulla Qodiriy — Oʻtgan kunlar
- Bolani bogʻchaga bermoq.
- Oʻgʻlini oʻqishga bermoq.
- Boshqa biror hunarga bersak boʻlmaydimi? — Ergash Raimov — Ajab qishloq
- Bir oʻgʻlimni Xadradagi oʻris maktabiga berdim. — Oybek — Tanlangan asarlar
- Men Marusyaga tayinlab qoʻydim, ertadan boshlab bog‘chaga ber. — Abdulla Qahhor — Qoʻshchinor chiroqlari
- Bu xalq xoʻjaligiga nima beradi?
- Qishloq xoʻjaligi aholiga oziq-ovqat, sanoatga xom ashyo beradi.
- Etak-etak paxtani ikki qoʻllab terganman, Gektaridan yuz-yuzlab paxta beray deganman. — "Qoʻshiqlar"
- Maqolangizni kelgusi sonda beramiz.
- Konsert bermoq.
- ahamiyat bermoq,
- bardosh bermoq,
- javob bermoq,
- boy bermoq,
- joy bermoq,
- zarba bermoq.
- Oʻn bir kishi qarshi ovoz berdi. — "Sharq yulduzi"
- U koʻprikdan oʻtib, katta yoʻlga chiqqanidan soʻng otga qamchi berdi. — Abdulla Qahhor — Asarlar
- Mana, seni deb qanday balolarga bardosh beryapman. — Komil Yashin — Hamza
- Quruq odamlar kiyimga zoʻr beradi, deganlari bejiz emas ekan. — Farhod Musajonov — Himmat
- Hayo qaysi narsada boʻlsa, unga ziynat beradi. — "Fan va turmush"
- Quloqlarida uch kalima soʻz oʻrin talashib, aks sado berdi. — Sa’dulla Siyoyev — Yorugʻlik
- Yangangga ayt: ilikdan osh qilib bersin. — "Guldasta"
- Endi ishingga qara, bolam, ertaga kushak tikib beraman. — Sa’dulla Siyoyev — Yorugʻlik
- Men boʻlgan voqeani aytib berdim. — To‘xtash Ashurov — Oq ot
- Tutning ustiga chiqib qoqib berdim. — Saida Zunnunova — Olov
- Bu choldan har balo kutsa boʻladi. Uni hukumatga tutib berish kerak. — Parda Tursun — Oʻqituvchi 2) yetakchi feʼldan anglashilgan maʼnoni kuchaytirib ifodalaydi.
- U qoʻlini siltab baqirib berdi. — Sa’dulla Siyoyev — Yorugʻlik
- Qambaralidan eshitib ishonmadi va ikkalovini ham soʻkib berdi. — Abdulla Qahhor — Asarlar
- Zulayho opamlar urishib beradilar. — Oʻtkir Hoshimov — Qalbingga quloq sol
- Qatiqlamasdan kosalarga suza ber. — Abdulla Qodiriy — Gʻirvonlik Mallavoy
- Bahuzur oʻtira ber, charchagandirsan? — U. Ismoilov — Saylanma 2) yetakchi feʼldagi harakatning davomliligi, takroriyligini bildiradi. U
- suv tashib, xumlarga quya berdi. — Sa’dulla Siyoyev — Yorugʻlik
- Oʻlimdan boshqa hamma yaxshilikning barvaqt kelgani maʼqul, deb ona-bola izgʻiy berdi. — Mirmuhsin — Qahramonnoma
- Sening mushtingni yeya berib, jonimda jon qolgan emas. — Abdulla Qahhor — Qoʻshchinor chiroqlari
- Ha-deb katta shaharda yashay berish ham odamni diqqinafas qshshb yuboradi. — To‘xtash Ashurov — Oq ot
- berib tur,
- bera qol,
- berib yubordi.Berdisini aytguncha urib oʻldirmoq - gapni oxirigacha eshitmasdan hukm (xulosa) qilmoq.
- Berdisini aytguncha urib oʻldiradigan koʻrinasan, sabr qilgin, bolam. — Sunnatilla Anorboyev — Oqsoy
Источник: Викисловарь
Просмотров: 0