devona

Значения

1. . Aqldan ozgan, esi past; telba, savdoyi.
2. . Allohning vasliga yetishish umidida zikru samoga berilib, bu dunyo ishlaridan voz kechgan sufiy, darveshsifat odam.
3. . Biror maqsad, harakatga tamoman berilib, es-hushdan ajralgan.
4. . Xayr-sadaqa bilan kun koʻruvchi; gado, tilanchi.
5. . Erkalatib gapirganda yoxud hazil tariqasida “jinnivoy”, “tentakvoy” kabi maʼnolarda ishlatiladi.

Примеры

• Devonadan oy boshi soʻrama. — Maqol.
• Bechora.. oʻgʻlining qatlidan keyin devona boʻlib qolibdi. — Mirmuhsin — Meʼmor.
• Hoʻkizmandesa indamang, devonaga eʼtiroz bildirib boʻlmaydur. — M. Osim — Karvon yoʻllarida.
• Yo huv, yo man huv, pirim Naqshband devona qoʻllasinlar, — deb [qalandar] laʼlini olib borib, chosh boshida choʻkkalab oʻtirgan imomning oldiga qoʻydi. — S. Ayniy — Qullar.
• Ey dilrabo, ishqing bilan devona boʻldim sogʻinib. Bulbul kabi tun kechalar giryona boʻldim sogʻinib. — Hamza.
• Dayli yorimdan ayrilib Devona boʻldim, naylayin. — "Tohir va Zuhra".
• Oʻzin afsun etib, boʻldi afsona, Devon bitolmasdan boʻldi devona. — Gazetadan.
• Devona ham xurjunini bir yoʻqotadi. — Maqol.
• Begona tuproq – devona tuproq. — Maqol.
• Doʻstlar, bechora, qashshoq, qambagʻal devonaman. Nay chalib, har yerda oʻqirman gʻazal, devonaman. — Muqimiy.
• Himmat qilib, shu devona bolaning yoʻliga sadaqa qilishlaringizni soʻrayman. — "Guldasta".
• Devona boʻldingmi? — dedi Safar choʻtir rangi oqarib. — Oybek — Quyosh qoraymas.
• Pul yoʻq, devona, piyoda joʻnaysanmi? — Oybek — Tanlangan asarlar.

Этимология

fors. – telba, aqlsiz

Источник: Викисловарь