mulla

Значения

1. Oʻrta Sharq, Markaziy Osiyo mamlakatlarida Madrasa taʼlimini olgan shaxs.
2. Din arbobi, ulamo.
3. s. t. esk. Maʼlumotli, oʻqimishli kishi.
4. Mulla boʻlmoq 1) oʻqib, maʼlumotli boʻlmoq, oʻqimishli boʻlmoq.
5. Hurmat yuzasidan murojaatda, gaplashganda, kishining ismiga qoʻshib aytiladi.
6. Mulla jiring, mullajiring Pul.
7. Mulla mingan eshakday dagʻl. Oʻta yuvosh.

Примеры

• Madrasani tugatgach, oshiqlar yor vasliga oshiqqandek, mulla Abdurahmon ham oʻz shahriga yelib-yugurib yetdi. — A.Qodiriy — Mehrobdan chayon.
• Mullaning aytganini qil, qilganini qilma. — Maqol.
• Choʻrilikni mullalar senga qildilar taqrir [qaror]. — Hamza.
• Buxoro shahrida Mirarab madrasasining miyon saroyida koʻp mullalar toʻplanishib, madrasaning vaqfi toʻgʻrisida gapirishmoqda edilar. — S.Ayniy — Qullar.
• Aytaylik, mening xizmatkorim mulla boʻldi-yu, omi boʻldi — menga bari bir emasmi? — K.Yashin — Hamza.
• Ha, mulla, charchamasdan, siqilmasdan yuribsanmi? Muncha ozib ketibsan? — dedi qori [Elmurodga]. — P.Tursun — Oʻqituvchi.
• U oʻqib, mulla boʻlib, biror shaharni olib berarmidi menga! — K.Yashin — Hamza 2) taʼzirini yeb, koʻzi ochilmoq.
• Qamoqdan jindak boʻlsa ham mulla boʻlib qaytganligim shu lahzada kuchini koʻrsatdi. — X.Lutfullayev — Baxti kulgan yigit. Mulla qilmoq 1) Madrasa maʼlumotini bermoq.
• Xoʻp, qizim, xoʻp, pochchasi boqmasa boqmasin, men oʻzim boqaman, oʻqitib, katta mulla qilaman, — dedi Mohlar oyim. — A.Qodiriy — Mehrobdan chayon. 2) savodini chiqarmoq, maʼlumotli qilmoq; 3) taʼzirini bermoq.
• Mavlon Musayevich oʻrnidan turdi. Uzicha Zumradni bir mulla qilib qoʻymoqchi boʻldi. — S.Siyoyev — Otliq ayol.
• Dunyoning ishi shunaqa ekan, mulla Ali! — deb uni yupatib qoʻydi [Otabek]. — A.Qodiriy — Oʻtgan kunlar.
• Loaqal bir kaft tuproq tashlasangizchi, mulla yigit! — Oʻ.Hoshimov — Qalbingga quloq sol.
• Senga oʻxshash, menga oʻxshash moyjuvozi borlar soliq toʻlamay qoʻysa, sovetning hamyoniga mulla jiring qayoqdan tushadi? — P.Tursun — Oʻqituvchi.
• Aziza ham eri bir kunmas-bir kun mulla mingan eshakday, yuvosh tortib kelishini kutib yurdi. — Oʻ.Hoshimov — Qalbingga quloq sol.
• Qamoqda ezilsa, mulla mingan eshakday.. bir kunmas-bir kun balki chiqib kelar.. — Oybek — Tanlangan asarlar.

Этимология

[ arab. - oʻqimishli, taqvodor odam ]

Источник: Викисловарь