qancha

Значения

1. soʻr. olm. Miqdor, koʻlam, oʻlcham kabilar haqida soʻroqni bildiradi; qay miqdorda?
2. Ritorik soʻroq gaplarda miqdor, oʻlcham va shu kabilarning ortiq darajasini, koʻpligini qayd etadi.
3. Soʻroq gapdan transformatsiyalangan gaplarda soʻroq anglatmay, faqat nisbiy belgi bildiradi.
4. Har qancha, nechogʻli, naqadar.
5. Bogʻlovchi soʻz (nisbiy soʻz) vazifasida qoʻllanadi.

Примеры

• Toʻyga qancha odam keldi ?
• Bugun qancha paxta terildi?
• Oshga qancha guruch soldingiz?
• Namakob tayyorlash uchun bir litr suvga qancha tuz solinadi?
• Kechgacha qancha yoʻl yurdik?
• Qanchadan beri uchrashmadinglar?
• Oʻylab qara, ertadan kechgacha qancha odam bilan muomala qiladi! — Oybek — Tanlangan asarlar.
• Mirzajon aka.. qishloq qurilishida loyihachilar, arxitektorlar, quruvchilar bilan qancha kurashmadi! — "Oʻzbekiston qoʻriqlari".
• Boshidan qancha xoʻrliklar oʻtkazdi, lekin oʻgʻliga bir ogʻiz yomon gapirmadi. — K. Yashin — Hamza.
• Qancha yotdim — bilmayman, sekin koʻzimni ochsam, oʻsha torgina xonada yotibman. — E. Raimov — Ajab qishloq.
• Bu jang qancha vaqt davom etganligi Ahmadjonning esida yoʻq.. — A. Qahhor — Oltin yulduz.
• Bir kunda qancha sabzi-piyoz sotadi — buni hech kimga, uy ichidagilarga ham aytmas edi. — Oybek — Tanlangan asarlar.
• Bir xizmatkorning qiziga uylanishi, qiz qancha chiroyli boʻlmasin, oʻz obroʻsi uchun katta nuqson deb bilgan edi. — Oybek — Tanlangan asarlar.
• U qancha oʻylasa ham, Askar aka haqida yomon fikrga botinolmas edi. — N. Fozilov — Diydor.
• Oʻzbek oyim nabira masalasida qancha xursand boʻlsa, Otabek shunchalik xafa edi. — A. Qodiriy — Oʻtgan kunlar.
• Tovuq bilan odam orasida qancha farq boʻlsa, bu ikki jonivorning muhabbati orasida ham shuncha farq bor. — A. Qahhor — Asarlar.

Источник: Викисловарь