qator

Значения

1. Narsa yoki kishilarning bir yoʻl (chiziq)da joylashgan holati; shunday joylashgan tizimi.
2. ayn. saf 1.
3. Biror ijtimoiy guruh, tashkilot va shu kabiga mansub kishilar majmui; saf.
4. Bir qancha, bir talay, ancha koʻp.
5. mat. Maʼlum tartibda joylashgan kattaliklar sirasi.
6. kim. Oʻzaro maʼlum munosabatda bogʻlangan kimyoviy birikmalar guruhi.
7. (Z-sh. egalik shaklida — qatori) koʻm. vazifasida. Oʻxshatish, qiyos munosabatini ("kabi", "tengi" kabi maʼnolarni) bildiradi.
8. (3-sh. egalik va oʻ.-p. k. shaklida — qatorida) ayn. qator 7.

Примеры

• Qator uylar. Qator teraklar.
• Nonvoylik rastasiga kelsalar, qator doʻkonlarning hammasi yopiq. — P. Qodirov — Yulduzli tunlar.
• Andijon degan katta yurt, Tevaragi qator tut. — — Qoʻshiqlar.
• Tutlarning qator oralariga ishlov berilmoqda. — — Gazetadan
• Saodatxon oldingi qatorda oʻtirgan Lolaxonga qaradi. — S. Zunnunova — Yangi direktor.
• Qatorda katta-katta odimlar otib borayotgan Elmurod shikoyatlandi. — P. Tursun — Oʻqituvchi.
• Dushman qayta-qayta atakaga oʻtib, qatorlarimizni yorib oʻtishga harakat qilmoqda. — T. Rustamov — Mangu jasorat.
• Rota bir qator boʻlib, soʻqmoqdan.. ketmoqda edi. — A. Qahhor — Oltin yulduz.
• Ilgʻorlar qatori kengaymoqda.
• Qatordan qolguncha xatardan qol. — — Maqol.
• Bu yigitni Chilimahram togʻi etagida askariy mashq oʻtkazayotgan navkarlar qatoriga qoʻshing. — P. Qodirov — Yulduzli tunlar
• Sheriklari qatoriga qoʻshib, uni oʻqitamiz. — H. Nazir — Yonar daryo
• Aholi orasida jismoniy tarbiyani rivojlantirish sohasida qator ishlar amalga oshirildi. — — Gazetadan.
• Romandagi qator obrazlarning zamirida konkret tarixiy shaxslar yotadi. — — Gazetadan.
• Butun sonlar qatori. Furye qatorlari. Qatorlar nazariyasi.
• Mana endi, u odamlar qatori ertalab ishga borib, kechki payt, el-yurt qatori, uyga qaytadi. — T. Ashurov — Oq ot.
• ..kechayu kunduz oʻshaning juvozida, yaylovda ishlashadi. Biz ham shular qatorimiz-ku!? Nimamiz ortiq?! — A. Muxtor — Qoraqalpoq qissasi.
• Men Zokir ota bilan Roʻzimatni qoralab, oʻzimni oqlamoqchi emasman. Shular qatori men ham gunohkorman. — A. Qahhor — Qoʻshchinor chiroqlari.
• Agar menga hurmat lozim boʻlsa, mubolagʻa bilan emas, yana takror aytaman, bir qarindoshingiz qatorida takallufsiz muomala qilish bilan boʻlsin!. — A. Qodiriy — Mehrobdan chayon.
• Shu qatorida badiiy adabiyot va sanʼat ham bir qadar eʼtibor topadi. — — Fan va turmush.
• Yusufbek hoji bekning uylanishini ham oddiy gaplar qatorida eshitib oʻtkardi. — A. Qodiriy — Oʻtgan kunlar.

Этимология

Arabchadan قطار — tuya karvoni; poyezd.

Источник: Викисловарь