tabarruk

Значения

1. Ulugʻ hurmatga sazovor, gʻoyat hurmatli, moʻʼtabar va aziz.
2. Yaqin, moʻʼtabar kimsa yoki narsani eslatadigan, undan esdalik, yodgorlik boʻlib qolgan.
3. Ilohiy kuchga ega boʻlgan; muqaddas; aziz-avliyolarning nazari tushgan.

Примеры

• Tabarruk chol.
• Qishloqning tabarruk onaxonlari uyda beshikka gavrapoʻsh yopishayotgan ekan. — E. Usmonov — Yolqin.
• Tabarruk inson Shoahmad aka aytgandek, "Hamma millat bolalari bir bola" edi. — R. Fayziy — Taʼzim.
• Otamdan qolgan tabarruk kitob.
• [Navoiy:] Endi, siz bu tabarruk qilich bilan davlatimizni, saltanatimizni, mamlakatimizni va uning sanʼatini himoya qiling! — Uygʻun va ISulton, Alisher Navoiy.
• -Makkatulloda, tabarruk yerda erimga qurʼon oʻqitarman, gunohlarini xudodan yigʻlab tilarman, degan niyat qanot boʻldi, — "dedi Hoji xola." — M. Ismoiliy — Fargʻona tong otguncha.
• Elimiz nonni va donni tabarruk hisoblab, peshonasiga surtadi. — Gazetadan.
• Ona! Dunyodagi eng aziz, eng laziz va tabarruk, eng muhtaram kalom bu! — "Saodat".

Этимология

arab. – duo, fotiha olish, ruxsat, rozilik olish; muborak, muqaddas

Источник: Викисловарь