bo‘sag‘a

Ma’nolari

1. . ostona.
2. . Biror hudud, manzilning kirish, boshlanish joyi, ostonasi.
3. . Biror marosim, muhim sana va sh. k. arafasi, boshlanish davri.

Misollar

• Yomonning toʻrida yotguncha, Yaxshining boʻsagʻasida yot. — Maqol. —
• Yomon kuchuk boʻsagʻada hurar. — Maqol. —
• Ashmat eshik tutqichini ushlab, bir nafas boʻsagʻada turib qoldi. — E. Usmonov — Yolqin.
• Boʻri Paygʻamov, eshik ochilib, boʻsagʻada Nusratbek koʻrinishi bilan, yuzlari yashnab, oʻrnidan turib ketdi. — S. Nurov — Maysalarni ayoz urmaydi.
• Qorabugʻroxon boshliq koʻchmanchilar oʻrdasi hozir Samarqand boʻsagʻasida. — M. Osim — Ibn Sino qissasi
• Berlinning boʻsagʻasida turibmiz, deb martda bir xat kelgan edi. — S. Siyoyev — Yorugʻlik.
• Minglab kichkintoylar maktab boʻsagʻasiga birinchi marta qadam qoʻyadilar. — E. Qodirov — Yangi marralar sari.
• Oʻtgan yil bilan ham xayrlashdik. Yangi yilning qutlugʻ boʻsagʻasiga qadam tashladik. — N. Safarov — Olovli izlar.
• U gʻalaba qasrining oltin boʻsagʻasida edi. — M. Ismoiliy — Fargʻona t.o.
• Armiya boʻsagʻasida turgan navqiron yigitlarga tilagim — Vatanimizning munosib qalqoni boʻlishsin. — Gazetadan. —
• Sidiqjon xuddi zoʻr baxtga erishgan yoki oʻshanday baxtning boʻsagʻasida turganday, terisiga sigʻmay.. eski hayotini eslagisi ham kelmay yurar edi. — A. Qahhor — Qoʻshchinor chiroqlari.

Kelib chiqishi

O‘rta Mo‘g‘ulcha Bosaga so'zidan kelib chiqadi.

Manba: Vikilug‘at