ilg‘or

Ma’nolari

1. Qoʻshinning oldingi qismi, avangardi.
2. Ishda, taraqqiyotda oldinda boruvchi, peshqadam.
3. Taraqqiyot, rivojlanishga, olgʻa siljishga xizmat qiluvchi; yangilikka boshlovchi.

Misollar

• Yarim kechada Boburning ilgʻorlari darvozaga sekin yaqinlashganlarida, Abu Yusuf va Muhammad Sultonning navkarlari darvozaxona ustidan ularga kamon oʻq otib, bir qancha kishini yarador qildi. — P. Qodirov — Yulduzli tunlar.
• Paxtachilik ilgʻorlari.
• Biz kelajak taraqqiyotiga, barcha ilgʻor mamlakatlar singari, dunyoviy davlat qurish orqali boramiz. — E. Yusupov — Istiqlol yoʻlida.
• Trestdagi ilgʻor binokorlar qatori Yodgorni ham tantanali kechaga taklif qilishdi. U. — U. Hoshimov — Qalbingga quloq sol.
• Safoxon toʻra oʻzining odamparvarligi, ilgʻor fikrlari bilan.. qolgan mudarrislardan ajralib turar edi. — K. Yashin — Hamza.
• Ilgʻor ish usullari, yangi texnika va texnologiyani qoʻllash tufayli yaxshi natijalarga erishilayotir. — Gazetadan.

Manba: Vikilug‘at