ma’no

Ma’nolari

1. Soʻzning mazmun tomoni, soʻz bilan ifodalangan tushuncha.
2. mazmun.
3. Baʼzi xatti-harakat dan anglashiladigan narsa; ifoda.
4. Biror narsaning mohiyati, nima ekanligi; mohiyat.
5. Bundan maʼno chiqmaydi. Bundan foyda, natija chiqmaydi.
6. Maʼno bermoq. Tushunmoq, talqin qilmoq.
7. Maʼnosi yoʻq. Foydasi yoʻq.

Misollar

• Soʻzning toʻgʻri maʼnosi. Soʻzning koʻchma maʼnosi.
• Men, odatim boʻyicha, soʻzlarning maʼnolarini va nomlarning nomlangan narsa bilan munosabatini bilishga qiziqqanimdan: -U qishloqni nega Tezguzar deb ataganlar? — deb soʻradim. — Sadriddin Ayniy — Esdaliklar.
• Gavhar bu gapdan „qoʻlimdan kelsa, yordamimni ayamayman“ degan maʼnoni uqdi. — Oʻtkir Hoshimov — Qalbingga quloq sol.
• Unsin qoshini chimirib, yalt etib Gulnorga qaradi, lekin soʻnggi jumlaning maʼnosini, nechundir, soʻramadi. — Oybek — Tanlangan asarlar.
• Xotin uning harakatidan „oʻpich ber“ degan maʼnoni angladi-da: – Shuni toʻgʻri ayta qolsangiz, nima boʻlar ekan! — dedi. — Abdulla Qahhor — Mayiz yemagan xotin.
• Uning vajohatidan „nega kelding“, degan maʼno borligini Aziza tushundi. — Oʻtkir Hoshimov — Qalbingga quloq sol.
• Samandarov zaharxanda qildi: -Bu qanaqa musobaqa boʻldi? Musobaqaning maʼnosini tushunasanmi oʻzing? — Abdulla Qahhor — Qoʻshchinor chiroqlari.
• Demak, irsiyatning maʼnosi — oqsil sintez qilish qobiliyatining nasldan naslga oʻtishidir. — Fan va turmush.
• Zamiraning dami chiqmay qolganiga Ochil oʻzicha maʼno berdi. — Pirimqul Qodirov — Uch ildiz.
• ...„vodorod“ bilan „kislorod“ni arabchaga tarjima qilib oʻtirishdan maʼno yoʻq. — Parda Tursun — Oʻqituvchi.

Kelib chiqishi

— mazmun, tushuncha, gʻoya

Manba: Vikilug‘at