o‘q

Ma’nolari

1. Yoyga qoʻyib otiladigan, uchi nayzasimon uzun, ingichka tayoqcha; tir.
2. Miltiq, toʻpponcha, pulemyot kabi qurollarga joylab otiladigan kichkina snaryad; patron.
3. Shunday snaryad, patronning otilganda ogʻzidan chiqib uchadigan, moʻljalga yoʻnaltiriladigan qismi (qoʻrgʻoshin, pitra kabi).
4. Minomyot, reaktiv artilleriya va sh.k. qurollardan otiladigan oʻq-dori; snaryad.

Misollar

• Sadoqdagi oʻq.
• U kamonga chapdastlik bilan oʻq oʻrnatdi va chopib borayotgan ot ustida nishonga otdi. — Pirimqul Qodirov — Yulduzli tunlar
• Dushman pulemyoti birdan jimib qoldi, oʻqi tugagan pulemyotchi esa qocha boshladi. — Nazir Safarov — Olovli izlar
• Oʻq ovoziga odam toʻplanganda, mis koʻza qorni pachaqlanib, tuproqqa agʻnab yotar edi. — Pirimqul Qodirov — Qora koʻzlar
• Oqilxontoʻra Boʻtaboyni moʻljallab otgan oʻq Tillabuvaga tekkan ekan. — Abdulla Qahhor — Qoʻshchinor chiroqlari
• Ortiq gshcham toʻshalgan uyda, oynavand shkaf qarshisiga ayiq terisini yoyib, oʻq teshgan joylarini koʻzdan kechirayotgan edi. — Pirimqul Qodirov — Qora koʻzlarOʻqqa tutmoq - ketma-ket, uzluksiz oʻq yoʻllamoq.
• ..har qalay, sen aytganday, granata tashlamabdi-yu, samolyotni oʻqqa tutibdi. — Abdulla Qahhor — Oltin yulduz
• ..dushmanning uchta transportyora yoʻlda daraxt kesayotgan jangchilarni oʻqqa tutib, qaytib keldi. — Ibrohim Rahim — Chin muhabbat
• Front orqasida oʻra qazib turganda, Mulla Obiddan oʻttiz metrcha nariga bir katta toʻp oʻqi tushib, qattiq tovush chiqarib yorildi. — Abdulla Qodiriy — Obid ketmon

Manba: Vikilug‘at