ro‘para

Ma’nolari

1. Bir narsaga yoki kuzatuvchiga, soʻzlovchiga qarama-qarshi tomon; qarshi.
2. Roʻpara boʻlmoq (yoki kelmoq) 1) yuzma-yuz uchrashmoq, uchrashib qolmoq.
3. Roʻpara qilmoq 1) yuzma-yuz qilmoq, uchrashtirmoq.

Misollar

• Roʻparadagi uy.
• Deraza roʻparasidagi tuynukdan Ruzvonning boshi koʻrindi. — S. Zunnunova — Yangi direktor.
• Teatr-rassomchilik institutining shundoqqina roʻparasida, koʻchaning berigi betida, uch tup yosh chinor bor. — Oʻ. Hoshimov — Qalbingga quloq sol.
• Biroq uning tili qisiq; onasiga soʻz qaytarish emas, roʻpara boʻlishga ham yuragi bezillar edi. — A. Qahhor — Qoʻshchinor chiroqlari; 2) duch kelmoq, yoʻliqmoq.
• Shu-shu Adolat Begimxon bilan gaplashmay qoʻydi. Mana endi ular yana roʻpara keldilar. — I. Rahim — Chin muhabbat.
• Titrab, ot choptirib kelayotgan Badia.. dushman otliqlaridan biriga roʻpara boʻlib, jon-jahdi bilan qilich soldi. — Mirmuhsin — Meʼmor.
• Poyezd toʻxtaganda, yugurgilab bitta provodnikka roʻpara boʻldim. — S. Siyoyev — Yorugʻlik.
• Sen menga Suluvni roʻpara qilaverchi [dedi Allon Palmonga]. — A. Muxtor — Qoraqalpoq qissasi.
• "..endi boʻlsa ikki bolali odamni roʻpara qilib oʻtiribdi", — deb oʻyladi Aziza hamon shiftdan koʻz uzmay yotarkan. — Oʻ. Hoshimov — Qalbingga quloq sol; 2) duch keltirmoq, yoʻliqtirmoq.
• Seni ilk dafʼa Feruzga roʻpara qilganimda, imonimdan chekindimmi? Ha, bir baxya chekindim. — S. Siyoyev — Avaz.
• Japaqdan qutuldik, Elgeldi endi unga qizini emas, ajalini roʻpara qiladi. — A. Muxtor — Qoraqalpoq qissasi; 3) toʻgʻri qilmoq; koʻrsatmoq.
• Eshonning “jilov” toʻgʻrisidagi fikri Elmurodning gʻazabini keltirdi. Endi u dangal faktlarni roʻpara qilishga qaror berdi. — P. Tursun — Oʻqituvchi.

Kelib chiqishi

fors. – yuzma-yuz!

Manba: Vikilug‘at