ta’bir

Ma’nolari

1. Biror jihatdan taʼriflovchi yoki tugal maʼno anglatuvchi qisqa ifoda, ibora.
2. Maʼnosini tushuntirish; izoh, sharh.
3. Taʼbir joiz boʻlsa; Agar shunday deyish mumkin yoki oʻrinli boʻlsa.

Misollar

• Dehqonlarning taʼbiricha, ekin kun sanaydi.
• Uning soʻzlarida qishloq kambagʻallari tushunmaydigan istiloh, taʼbir.. jumla yoʻq. — A. Qodiriy — Obid ketmon.
• Fozil Shoislomovich.. ayrimlarning taʼbiri bilan aytganda, "bir qop yongʻoq" edi. — D. Nuriy — Osmon ustuni.
• Tushning taʼbirini aytib bermoq.
• Kamalak koʻribsan, buning taʼbiri: Yetti rang quyoshu qutlugʻ peshona. — Shukrullo — Javohirlar sandigʻi.
• Shovvozlarimiz, taʼbir joiz boʻlsa, choʻlga dastlab hujum boshlagan tankchilarimiz shular. — I. Shamsharov — Kahramonlik yoʻli.
• Taʼbir joiz boʻlsa, tomir urishini sezib turish kerak. — Gazetadan.

Kelib chiqishi

arab. – yoʻyish, tushuntirish, maʼnosini yechish; ibora

Manba: Vikilug‘at