ta’na

Ma’nolari

1. . Xatolik, ayb yoki kamchilikni betga solib yoki kamsitib aytilgan gap, qilingan xatti-harakat va sh.k.
2. . Minnat, haqorat, malomat tarzidagi gap-soʻz.
3. Taʼna qilmoq Taʼna tarzidagi gap-soʻz aytmoq.

Misollar

• Achchiq taʼna.
• Gunohkor boʻlmay turib, oʻz sevgilingdan oʻrinsiz taʼnalar eshitsang. — J. Jabborov — Sevinch yoshlari.
• Keksa bogʻbonning samimiy soʻzlari ham taʼna, ham tanbeh edi. — Sh. Rashidov — Boʻrondan kuchli.
• Bobo, bu gapga qanday tiling bordi, deganday unga taʼna bilan qaradida, bosh chayqadi. — S. Yunusov — Kutilmagan xazina.
• -Yoʻqchilik jonimga tegdi, - dedi bolali xotin, — boyvachchalarning xotinlariga kir yuva-yuva oʻlib boʻldim. Itdek mehnat qilib, bir burda nonlarini taʼna bilan yedim. — S. Zunnunova — Gulxan.
• Agar kuchim, quvvatim yetsa, odamlarning jon olgʻuchi taʼnalariga yana chidash berar edim, lekin majolim qolmadi. — M. Ismoiliy — Fargʻonat. o.
• Xasis deb taʼna qilmoq.
• Yoʻldosheva.. rabfakda oʻqib yurganida, mahallada paranji yopinib yurgan boʻlishi mumkin, buni hozir taʼna qilishda hech qanday maʼno yoʻq. — A. Qahhor — Bek.
• Hamkasblari.. "Mansabdor boʻlib, mensimay ketdi", deb taʼna qilishlaridan oʻzini ehtiyot tutardi. — R. Fayziy — Hazrati inson.

Kelib chiqishi

arab. – nayza yoki pichoq sanchish; shikoyat; rad etish; malomat

Manba: Vikilug‘at