tig‘iz

Ma’nolari

1. Bir-biriga juda yaqin joylashgan; oraligʻi qisqa; zich, qalin.
2. Muayyan ish (ishlar) uchun vaqtning kamligi, qisqaligi; ziq.
3. Bajarilishi lozim boʻlgan ishlar koʻp va u tez suratda, uzluksiz bajarilishi lozim boʻlgan holat; shoshilinch, oshigʻich, qistalang.

Misollar

• Tigʻiz daraxtlar. Zalda odam tigʻiz. Tigʻiz oʻtqazilgan koʻchatlar. ʼ
• Endi ular ancha zich-tigʻiz qatorlar bilan ilgarilardi. — Oybek — Quyosh qoraymas.
• Tutqun sasni topolmadim Tigʻiz oʻrmonlarda ham. — M. Shayxzoda.
• Majnuntol barglari orasidan sirqib tushayotgan yomgʻir tomchilari qizning payvasta qoshlariga, tigʻiz kipriklariga tekkan. — P. Kodirov — Yulduzli tunlar.
• Kuzakdagi barakali xirmon shu tigʻiz kunlardagi ishning unumi va sifatiga bogʻliq.
• Vaqt tigʻiz. Hali bilet ham olganim yoʻq, — dedi Mahmud. — A. Ubaydullayev — Hayot oqimi.
• Agar mehmonning vaqti tigʻiz boʻlsa, har bir uydan bir narsa olib chiqilib, dasturxonga qoʻyib chiqiladi. — Sh. Xolmirzayev — Qil koʻprik.
• Anhorda ikki objuvoz va ikki tegirmon ishlab turadi.. Shunga qaramay, ish tigʻiz. — Gʻulom — Toshkentliklar.
• Dalada ishning tigʻiz vaqti oʻtgani uchun mardikorlarga bundan bir necha kun ilgari javob berilgan. — Oybek — Tanlangan asarlar.

Manba: Vikilug‘at