Толковый словарь

alam

алам

Значения

Jismoniy qiynoq; azob, ogʻriq.
Ruhiy azob, iztirob. Hijron alami. Judolik alami. Alam chekmoq (tortmoq).
Qasd, oʻch, qasos.
Gʻazab, nafrat; zahr.
Alam qildi. Koʻngilga qattiq tegdi, dilni ogʻritdi; ranjitdi.
Alam(ini) olmoq.
qasd, oʻch olmoq.
biror ish qilib yoki biror ish bilan shugʻullanib, yurakni boʻshatmoq, xafagarchilikni yozmoq, xumordan chiqmoq.
Isaning alamini Musadan olmoq. Birovdan yetgan ranj, ozor qasdini boshqa, aybsiz odamdan olmoq.
Alamdan tarqamoq. (yoki chiqmoq)
alamini olmoq.
qasdini, oʻchini olmoq.
gʻazabdan tarqamoq.
Alamini ichiga yutmoq. Gʻazabini sirtga chiqarmaslik, bildirmaslik.
= Alam II =

Komil kaltak alamidan hoʻng-hoʻng yigʻlayotgan boladan yana soʻradi. — Hamid Gʻulom — Mashʼal.
Biz u vaqtlar sevgi nima, sevish, sevilish nima — bularning dard va alami, zavq va shavqi nimaligini ham bilmas edik. — Mirzakalon Ismoiliy — Fargʻona tong otguncha
Muncha serpiching boʻlib ketibsiz. Menda alamingiz bormi! — Shuhrat — Shinelli yillar.
Erining bosh qorongʻi boʻl, evida boʻl-da degani unga juda alam qilib, xoʻrligi keldi, oʻpkasi toʻldi. — A. Qahhor — Anor.
Meni tashlab ketganingiz alamini Zaynabdan olmasam, kimdan olay, — dedi kulib Kumush. — Abdulla Qodiriy — Oʻtgan kunlar.
Balki alamini ishdan olgandir? — Mirzakalon Ismoiliy — Fargʻona tong otguncha
[Sobiraxon:] Yigʻladim. oʻtirib xat yozdim. Bu bilan ham alamdan chiqmay, xatni koʻtarib, Komila xolamning oldilariga arzga bordim. — Abdulla Qahhor — Xotinlar.
Mingboshi tek yotmagan edi, qizining alamini chiqarib olish uchun bahona izlardi. — Mirzakalon Ismoiliy — Fargʻona tong otguncha
Siz qoʻy demaganingizda, ogʻzi-burnini dabdala qilib, bir alamdan chiqay degan edim. — Parda Tursun — Oʻqituvchi.
...alamini ichiga yutib, halovat istaydi. — Gazetadan.

arab. – ogʻriq, dard

Источник: Викисловарь

Просмотров: 0