diydor

Значения

1. . Kishining yuzi, jamoli, ruxsor; bashara.
2. . Uzoq ayriliq, soginchdan keyin koʻrishish, uchrashish.
3. . Mehribonlik, gʻamxoʻrlik.
4. Bola (yoki gul, mol) bahona, diydor gʻanimat Biror narsani vaj qilib, biror maqsadni amalga oshirmoq.
5. Diydor koʻrishguncha Yana koʻrishguncha, xayr (xayrlashuv iborasi).
6. Diydor koʻrishmoq Uzoq ayriliq, intizorlikdan keyin uchrashmoq, yuz koʻrishmoq.
7. Diydor koʻrsatmoq Oʻzini namoyon qilmoq; koʻrinish bermoq, koʻrinmoq.
8. Diydor ochmoq Yuzini ochib koʻrsatmoq.
9. Diydor — gʻanimat! Bu oʻtkinchi dunyoda tez-tez koʻrishib, uchrashib turaylik, degan maʼnoda ishla-tiladigan ibora.
10. Diydor qoʻshmoq Nasib qilmoq.
11. Diydori oʻchsin (yoki qursin) Afti qursin, qurib ketsin.
12. Diydoriga zor boʻlmoq Kimsani koʻrishga mushtoq boʻlmoq.
13. Diydoriga muyassar etmoq (yoki qilmoq) Diydor koʻrsatmoq, yuz koʻrsatmoq.
14. Diydoriga toʻymoq Sogʻingan yoki sevgan kishisini koʻrib, vasliga toʻymoq, xumordan chiqmoq.
15. Qiyomat diydor boʻlmoq Yuz koʻrishmaydigan boʻlib ketmoq.

Примеры

• Azizxon hech kimning Lutfiniso diydoriga toʻyib qarashini istamasdi. — S. Ahmad — Ufq.
• Sakkiz oydan beri endi koʻrib oʻtiribman diydoringizni. — M. Ismoiliy — Fargʻona tong otguncha.
• Koʻzim ololmayman gul diydoringdan, Tolgan yuraklarga jon boʻlur payvand. — Mirtemir — Asarlar.
• Xat – yarim diydor. — Maqol.
• Ayriliqlarni koʻraverib zada boʻlgan yuraklar bu kutilmagan diydordan larzaga tushdi. — "Sharq yulduzi".
• Nima qilasiz goʻdakni ota diydoridan mahrum qilib. — S.S. Ahmad — Ufq.
• Doʻstlar diydoridan ortiq quvonch, firoqidan ortiqroq gʻam yoʻq. — Gazetadan.
• Soddasiz, sarkor, soddasiz! Bola bahona, diydor gʻanimat, degan gapni eshitganmisiz? — Uygʻun — Asarlar.
• Mol bahona, diydor gʻanimat qilib, koʻrishib olardim. — R. Fayziy — Choʻlga bahor keldi.
• Diydor koʻrishguncha, — dedi u sekin. — Sh. Toshmatov — Erk qushi.
• Xayr endi, bahorim, koʻrishguncha to diydor. — A. Oripov — Yillar armoni.
• Diydor koʻrishar kun yaqin. Ammo hujum qilayotir dilimga firoq. — T. Toʻla.
• Biz Soʻnagul bilan necha bor vidolashib, necha bor diydor koʻrishdik. — A. Muxtor — Asarlar.
• Joʻraxonning aytayotgan ashulasi baxt haqida, muhabbat haqida.. sevgilisi bilan diydor koʻrishishni istab, sogʻinib yurgan yigitning visol orzulari haqida edi. — T. Rustamov — Mantu jasorat.
• Ona yolgʻiz oʻgʻli bilan diydor koʻrisha olmadi. — Gazetadan.
• Bir koʻrsatib gʻamza bilan diydor oʻzing, Lutfu karam qilding kulib izhor oʻzing. — Habibiy.
• Toʻylar muborak, e sevgili yor! Keldim yiroqdin, och menga diydor. — S. Abdulla.
• Odam omonat, diydor — gʻanimat. — Maqol.
• Diydor qoʻshsa, qiyomatda koʻrgaymiz. — "Xoldorxon".
• Qorachirogʻingni oʻchir, diydori qursin! — Uygʻun — Asarlar.
• Tannozxon! Diydoring oʻchsin sening! — N. Safarov — Tanlangan asarlar.
• Lekin faqat diydoringga boʻlib zor Toʻplanishdik, hamma ortiq beqaror. — H. Olimjon.
• Oxiri oʻz diydoriga muyassar qilgan qutlugʻ va sharofatli kun keldi. — Shuhrat — Shinelli yillar.
• U qancha-qancha termilsa ham, erining diydoriga toʻya olmasdi. — Sh. Rashidov — Boʻrondan kuchli.
• Voy bolam-ey, kelganingdan beri koʻchadan kirmaysan, bundoq birpasgina diydoringga toʻyib gaplasholmayman. — S. Ahmad — Qadrdon dalalar.
• Nuraliman, qon yigʻlayman zor-zor, Otam qoldi ushbu ishdan bexabar. Shu sababdan boʻldim qiyomat diydor. — "Zulfizar bilan Avazxon".

Этимология

fors. – tashrif; uchrashuv; tashqi koʻrinish, yuz

Источник: Викисловарь