ketmoq

Значения

1. Oʻz turgan joyini tark etmoq, oʻz turgan joyidan boshqa tomonga yoʻl olmoq; bormoq.
2. Biror mashgʻulot, xizmat yoki vazifani tark etmoq, tashlamoq.
3. Tamom boʻlmoq, tugamoq, oʻtmoq (vaqt haqida).
4. Yoʻq boʻlmoq, yoʻqolmoq, arimoq.
5. Olamdan oʻtmoq; oʻlmoq.
6. Sarf boʻlmoq, ishlatilmoq.
7. Oʻtmoq, sotilmoq, pullanmoq.
8. Muayyan maqsad yoki sabab bilan bi-ron joyga, ish-faoliyat joyga tomon yoʻl olmoq; joʻnamoq.
9. Davom etmoq; bormoq, boʻlmoq.
10. Ish-faoliyatning biror sohasi, yoʻnalishi bilan bormoq, davom etmoq.
11. Tarqamoq, borib yetmoq (ovoza, dovruq va shu kabilar haqida).
12. Ishdan chiqmoq ( sinmoq, yorilmoq, yirtilmoq kabi maʼnolarni ifodalaydi).
13. Yarashib tushmoq (kiyim haqida).
14. Isteʼmol qilinmoq, yeyilmoq yoki ichilmoq; oʻtmoq.
15. (asosan boʻlishsiz shaklda - ketmaydi). Qoʻshilmaslik, maʼqul emaslikni bildiradi.
16. Sigʻmoq, joylanmoq.
17. Ravishdoshning -(i)b yoki -a/-y qoʻshimchali shakllariga birikib, harakatning tugal, toʻsatdan, davomli bajarilishi kabi maʼnolarni bildiradi.

Примеры

• Bu yerdan hech yoqqa ketmayman.
• Kelmoq ixtiyor bilan, ketmoq ijozat bilan. — Maqol
• [Yoʻlchi:] Unsin, bu oila qanday? Ketasanmi yo bu yerda qola turasanmi? — Oybek — Tanlangan asarlar
• Agar oralaringizga sovuqchilik tushadigan boʻlsa, sen oʻchakishib yurma, yaxshisi.. bu uydan ketish harakatini qil! — Andulla Qodiriy — Oʻtgan kunlar
• Mehmonlar uch kun turib, ketishdi. — Sa’dulla Siyoyev — Yorugʻlik
• Gulnor, qishloqdan ketib, choʻlda oʻrnashib olsak, qulogʻim tinchir, deb oʻzini oʻzi yupatdi. — Said Ahmad — Ufq
• Ishdan ketmoq.
• O‘qishdan ketmoq.
• Senday aqli raso, tushunadigan odam boʻlsa, zavoddan ketmas edim. — Abdulla Qahhor — Qanotsiz chittak
• Xotiningizni nega tashlab ketganingizni ayting.. Yarashasizmi yo institutdan ketasizmi, shuni ayting. — O‘tkir Hoshimov — Qalbingga quloq sol
• Boʻlinglar, vaqt ketyapti.
• Vaqting ketdi - baxting ketdi. — Maqol
• Shunday rohat turmush im izdan, shunday shirin umrimizdan darroye bir yili ketdimi! Oh, dod deyman. — Abdulla Qahhor — Nutq
• Dalalardan qor ketdi.
• Kiyimning dogʻi ketmadi.
• Hasrat tugagandan soʻng, Otabekning yuzidagi boyagi yarim jiddiylik ketib, uning oʻrnini oʻychanlik oldi. — Abdulla Qodiriy — Oʻtgan kunlar
• Qadah toʻxtab qoldi. Suhbatdan nechukdir fayz ketdi. — Abdulla Qahhor — Qanotsiz chittak
• Kun boʻyi quloqlari ostidan juda gʻalati.. olis-olislarga chorlovchi ajib bir musiqa ketmadi. — Odil Yoqubov — Er boshiga ish tushsa
• Men oʻn beshga kirganda, ayam oʻldi. Hali qirqqa bormagandi. Yosh ketdi. — Oybek — Tanlangan asarlar
• Ming martaba shukur boʻlsin parvardigorga, Mendan rozi ketgan ekan qiblagohlarim. — Abdulla Oripov — Jannatga yoʻl
• Yoʻl xarajatiga hammasi boʻlib ellik soʻm ketdi.
• Bu ishni bajarishga koʻp vaqt ketadi.
• Roʻzgʻorga ketadigan narsalar.
• Kuch koʻp ketadi, lekin ekinlar ichida bundan [paxtadan] serdaromadi yoʻq. — Abdulla Qahhor — Qoʻshchinor chiroqlari
• Tez ketadigan mol.
• Xullas, yer juda arzonga ketdi. — Oybek — Tanlangan asarlar
• Qiiyuqqa ketmoq. Armiyaga ketmoq. Ishga ketmoq. Toʻyga ketmoq.
• Kuniga oqshom tushsa, Martindan qoʻrqib, koʻchaga chiqmay, tuzsiz makaron chaynab yurguncha, shahrimga ketaman. — Sa’dulla Siyoyev — Yorugʻlik
• Shirmonjon ona shu ahvolda tong ottiradi-yu, yana dalaga terimga ketadi. — Saida Zunnunova — Olov
• Imtihon ketyapti.
• Majlis ketyapti.
• Oʻrmonjon, odatda, ish sustroq yoki yomonroq ketayotgan uchastkalarga borar edi. — Abdulla Qahhor — Qoʻshchinor chiroqlari
• Agar biz yerning doliguliga kelishini kutib oʻtirsak, vaqtdan yutqazadiganga oʻxshaymiz, havo shunday ketavermas [dedi brigadir]. — Nazir Safarov — Xadicha Ahrorova
• Akasi uchuvchi edi, ukasi ham uning orqasidan ketdi.
• Bola otasi izidan ketib, oʻqituvchi boʻldi.
• Butun oilasi bu yerga rezavor ekib, mumkin qadar eldan burunroq bozorga chiqarib, "pul" qilishga tirishar edi. Abdishukur bu yoʻldan ketmadi. — Oybek — Tanlangan asarlar
• Shuhrati butun dunyoga ketdi.
• Ammo nomi tildan-tilga oʻtib, butun frontga dovrugʻi ketgan bu qizning oʻyida faqat Normat kechardi. — Ibrohim Rahim — Chin muhabbat
• Uning taʼrifi uzoqlarga ketgan. — To‘xtash Ashurov — Oq ot
• Shimim tizzasidan ketdi.
• Aravaning tagidan dehqonning ayanchli tovushi eshitildi: -Oʻqi ketibdi, ish pachava. — Oybek — Tanlangan asarlar
• Bu kostyum senga juda ketibdi.
• Issiq kunda palov uncha ketmaydi.
• -Chuchvaradan keyin choy juda yaxshi ketadi-da, - dedi Boqijon Baqoyev, yuzidagi terni artib. — Abdulla Qahhor — Adabiyot muallimi
• -Him, oqsoqol majlisni qadimgi zamon usulida tarafkashlikka aylantirmoqchi ekan-da. Ketmaydi, - dedi Abdurasul. — Parda Tursun — Oʻqituvchi
• Bu samovarga uch litr suv ketadi. Zalga ikki yuz kishi ketadi.
• Qizarib ketmoq.
• Gʻovlab ketmoq.
• Charchab ketmoq.
• Qoʻrqib ketdi.
• Mashina birdan gʻuvillab yurib ketdi.
• Oʻz maqsadini tushuntira ketdi.
• Yoʻrgʻalay ketdi.Besh ketmoq - besh.Suv tekin ketdi - juda arzonga sotildi.Oʻzidan (yoki hushidan) ketmoq - hushini yoʻqotmoq, kushsizlanmoq.
• -Hushimdan ketib qoldim, keyin nima boʻlganini bilmayman, - dedi Hoji xola. — Mirzakalon Ismoiliy — Fargʻona tong otgunchaZil ketmoq - ichdan ezilgan holatga tushmoq.
• Natijada yutuqlarimizni koʻrolmay, ich-ichidan zil ketayotgan dushmanlarimiz sharmandayu sharmisor boʻldi. — Nazir Safarov — Olovli izlarMukkasidan ketmoq - nihoyatda berilmoq.
• U shaxmatga shunaqangi mukkasidan ketganki, agar Fargʻona vodiysida bu oʻyinga jonini tikadigan odam ikkita boʻlsa, shuning bittasi - Ahmadjonov. — "Guldasta"

Источник: Викисловарь