qadar

Значения

1. . (b. k. bilan) Taqqoslash, oʻxshatish, daraja munosabatlarini, maʼnolarini bildiradi; kabi, oʻxshash, —dek.
2. . (j. k. bilan) Chegara munosabatini, maʼnosini bildiradi; dovur, -gacha.
3. Bir qadar - maʼlum darajada, bir oz, birmuncha, sal.
4. Mumkin qadar Imkoni boricha, iloji boricha.
5. U qadar 1) unga teng keladigan, unchalik.

Примеры

• Kosani olib, katta qoshiq bilan shoshib-pishib ichdi. Kosada osh uch ellik qadar ozaydi. — Oybek — Tanlangan asarlar.
• Dunyo qadar mardlik siqqan keng quchogʻingga, Yashiringan million xalqning gʻazabli sasi. — H. Poʻlat.
• Biz oʻzimizni ichkariga olgach, darvozabon oʻzining hazmi koʻtargan qadar bizga toʻngʻillaydir-da, darvozani berklash harakatiga tushadi. — A. Qodiriy — Oʻtgan kunlar.
• Uydan vokzalga qadar. Yetti yashardan yetmish yashar-ga qadar.
• Darvoza ostini to hamsoyalar eshigiga qadar supurib kirib oʻltirib, onalari bilan choy ichmoqqa mashgʻul boʻlar erdi. — Hamza — Tanlangan asarlar.
• Shu yilning oxiriga qadar korxonada beshta dastgoh tayyorlanada. — — Gazetadan
• Bu ishlar bir qadar bitgandan keyin, Sidiqjon onasini olib kelgani Bahrobodga bordi. — A. Qahhor — Qoʻshchinor chiroqlari.
• Ikki ogʻa-ini bir qadar sarosimaga tushib, oʻrinlaridan turishdi. — Oybek — Tanlangan asarlar.
• Qambar mahallaning nomini aytib, u yerdagi tor kucha, boshi berk koʻchalarni, eshiklarni mumkin qadar sinchiklab tushuntirdi. — Oybek — Tanlangan asarlar.
• Boʻlib oʻtgan voqeaga mumkin qadar beozor baho berib, qizni unutib, tinchishni istar.. edi. — "Sharq yulduzi".
• Masalani u qadar yecholmasam kerak; 2) aytishga arzigudek deyarli.
• Uning nimasi meni oʻziga tortar ekan? U qadar goʻzalligi ham, boshqa odamlardan ortiqligi ham yoʻq-ku! — P. Tursun — Oʻqituvchi.

Источник: Викисловарь