chodir

Ma’nolari

1. Matodan qurilgan kapa; palatka.
2. etn. Goʻshanga, chimildiq.
3. etn. Ayollar paranji oʻrnida yopinadigan maxsus yopinchiq; chodra.
4. Parda, yopinchiq; urtuk.
5. Meva qoqqanda tagiga tutiladigan katta mato.

Misollar

• Chodir tikmok. Chodir qurmoq. m
• Qutaybaning chodiri, taomilga koʻra, baland tepalikka joylashgandi. — Z. Aʼlam — Zarb.
• Azizxon oʻsha kuni kechasi chodirda yotmay, Orzixon ayanikiga ketdi. — S. Ahmad — Ufq.
• Xushroʻy, chodirdan chiqmasdanoq, choy tashib, xizmat qilib yurgan kundoshiga kesatiq bilan hujum boshlaydir. — A. Qodiriy — Oʻtgan kunlar.
• Bir vaqt qayerdan ham ustiga qora chodir yopingan Yosuman paydo boʻlarmish. — M. Ismoiliy — Fargʻona tong otguncha.
• Qara, uning koʻksida yulduz — Mehnatidan boʻlmish qahramon. Sen-chi, nechun chodir ichida Qolib ketding, azizim, hamon? — Zulfiya.
• Yuksak daraxtlarning uchlari quchoqlashib, muazzam yashil chodir yasagan. — Oybek — Quyosh qoraymas.
• Hamma yoqni oppoq qor qoplagan, havoni kulrang bulut chodiri toʻsib olgan bir kun edi. — P. Tursun — Oʻqituvchi.
• Toʻrttasi chodir tutadi, bittasi tovoqqa chopadi. — Qoʻshiqlar.
• Habiba buvi qirq yamoq boʻlib ketgan chodirni olib chiqadi. Kamida oʻttizta bola qaldirgʻochdek tizilib, chodirning toʻrt tarafidan ushlab turadi. — Yoshlik.

Kelib chiqishi

Forscha — kapa, bostirma; yopinchiq

Manba: Vikilug‘at