choy

Ma’nolari

1. Bargi damlab ichiladigan, janubiy oʻlkalarda oʻsuvchi doimiy yashil buta daraxti, buta.
2. Shu oʻsimlikning quritib maxsus ishlangan, maydalangan, damlab ichiladigan barglari.
3. Shu oʻsimlikning maxsus ishlangan, maydalangan barglaridan damlangan xushboʻy ichimlik.
4. Shu ichimlik bilan birga ovqatlanish.
5. Olma choy q. olma. Sut choy Sutli choy. Choy puli ayn. choychaqa. Choy qoshiq Osh qoshikdan kichikroq metall qoshiq.

Misollar

• Choy plantatsiyalari. Choy oʻsimligi 2-3 yoshlik boʻlganda, tuplarga shakl beriladi, yon shoxlar kesiladi. — "OʻzME".
• Koʻk choy. Hind choyi. Seylon choyi. Gruzin choyi. Bir damlam choy. Choy quti. Koʻkragimda voyim qoldi, uch yumaloq choyim qoldi. — Ergash Jumanbulbul oʻgʻli.
• Koʻk choyni koʻk choynakka damlab, koʻk koʻzli, koʻylagi koʻk Karimga berdimi? — Tez aytish.
• Bir piyola choy. Achchiq choy. Issiq choy. Yaxna choy. Hindining ichgani asl choy boʻlar. — "Gulnorpari".
• Ertalabki choy. Tushki choy.
• Sidiqjon choyni kutmay, ishga ketdi. — A. Qahhor — Qoʻshchinor chiroqlari.
• [Anzirat xola] Choy mahalida goh kulib, goh yigʻlamsirab, oʻzi, bolalari toʻgʻrisida gapirdi. — A. Qahhor — Qoʻshchinor chiroqlari.
• Murabbo ola turib, choy qoshiqni tushirib yubordim — kuyov buniyam sezdi. — M. M. Doʻst — Lolazor. Qora choy 1) qurugʻi qora tusda, damlaganda, toʻq qizgʻish rang chiqaradigan choy; 2) sutsiz choy.

Kelib chiqishi

[ t.f. xitoycha - cha ]

Manba: Vikilug‘at