diyonat

Ma’nolari

1. Vijdon, vijdonlilik, insof.
2. Diyonatini yutmoq Vijdonini sotmoq, vijdonsizlarcha ish tutmoq.
3. Diniy qonun-qoidalarga qatʼiy rioya etish; dindorlik, taqvodorlik.

Misollar

• Diyonati yoʻq odam,
• Boy deganda diyonat boʻlarmidi. — S. Karomatov — Bir tomchi qon.
• Jamshid Begimqulovga insof, uning xoʻjayiniga diyonat tilab, xonadondan chiqdi. — "Yoshlik".
• Dunyoda diyonat hali mavjuddir, hali mard yigitlar yashab yuribdi. — A. Oripov — Yillar armoni.
• Uning rahbarligida barpo etilayotgan mustaqil oʻzbek davlati uch zabardast asosda — diyonat, adolat va intizom negizida qad koʻtarmoqda. — Gazetadan.
• Boʻtam, moʻminlar Muhammad yoʻlidan chiqib ketyapti. Xotinlarda diyonat qolmadi. S. — Ahmad — Hukm.
• Menda boshqalarning oʻgʻlini darraga yotqizish chogʻida koʻndalang keladigan vijdon bor, din bor, diyonat bor. — A. Qodiriy — Oʻtgan kunlar.
• Islom dini — bu ota-bobolarimizning dini, u biz uchun ham imon, ham axloq, ham diyonat, ham maʼrifat ekanligini unutmaylik. — Gazetadan.

Kelib chiqishi

[ arab. - din, eʼtiqod; diniy taʼlimot, ishonish ]

Manba: Vikilug‘at