erka

Ma’nolari

1. Mehr, suyish hissi bilan mu-nosabatda boʻlinadigan; suyukli.
2. Koʻngliga kelgan ishni qilish uchun ixtiyor berib qoʻyilgan, taltaytirib yubo-rilgan, tantiq.
3. Erkalik, suyumlilik ifodalovchi.
4. Erka (erkaklar va xotin-qizlar ismi).

Misollar

• Erka qizcha bilan mehribon otaning oʻrtasiga raxna so-lish johillik. — F. Musajonov — Himmat.
• Bul-gʻorning erkasi, bolam, yoʻl boʻlsin.. — "Erali va Sherali". Sayr etaylik, kel, birga, er-kam, Rozi ketsin bizdan umrbod — Shodlik uchun yaralgan olam. E. Vohidov, Muhabbatnoma.
• Erka tutsa onasi, taltaya-di bolasi. — Maqol. n
• Munis tengqurlariga oʻxshamasdi: juda erka edi, serjahl edi. — Oʻ. Umarbekov — Yoz yomgʻiri.
• Faxriddin erka oʻs-gan tantiq bola boʻlgani uchun Niso buvi: -Ha, ishqilib, ikkovining joni omon boʻlsin, — deb qoʻya qolar edi. — A. Qahhor — Boshsiz odam.
• -Yol-gʻonchi ekansiz, — dedi u yana erka tovushda. — S. Siyoyev — Yorugʻlik.
• Gulnor chiroyli va erka tabassum bilan, xoʻp deganday, boshini qi-mirlatdi. — Oybek — Tanlangan asarlar.

Manba: Vikilug‘at