falokat

Ma’nolari

1. . Odamlar ixtiyoridan tashqari, kutilmaganda yuz beradigan koʻngilsiz voqea, hodisa; baxtsizlik; ofat.
2. . Yaramas; badbaxt.
3. Falokat oyoq ostida Ofat, baxtsizlik kutilmaganda, qoʻqqisdan yuz berishi mumkin.
4. Falokat bosib Gʻayriixtiyoriy ravishda; oʻylamasdan, adashib, bilmay.

Misollar

• Farosatsiz — falokatga yoʻliqar. — Maqol —
• Kumushbibi uchun bu hol kutilmagan bir baxtsizlik, kutilmagan bir falokat edi. — A. Qodiriy — Oʻtgan kunlar.
• Tohir yomon bir falokatni oldindan sezganday, yuragi uvushdi. — P. Qodirov — Bobur
• [Boy:] Gʻofirni koʻrdingmi? [Xolmat:] Boya shu oʻrtada oʻralashib yuruvdi, falokat! Bir zumda yoʻqolib qolibdi. — Hamza — Boy ila xizmatchi.
• ..Nemis falokat lotinchani ham, oʻzbekchani ham bilar ekan. — Oybek — Quyosh qoraymas.
• Falokat oyoq ostida, deganlari haq gap ekanda, — dedi kimdir. — T. Rustamov — Mangu jasorat.
• Bir kuni falokat bosib, mehnat darsida.. elektr arrani sindirib qoʻysak boʻladimi? — E. Raimov — Ajab qishloq.
• Falokat bosib, eru-xotin urishib qolishdi. Oxir boʻlmadi, ajralib ketishdi. — Gazetadan. —

Kelib chiqishi

arab. – musibat, baxtsizlik; mushkul ahvol

Manba: Vikilug‘at