ham

Ma’nolari

1. Teng qiymatli gap boʻlaklari yoki sodda gaplarni, shuningdek, toʻliqsiz gap qismlarini bogʻlash uchun xizmat qiladi.
2. Taʼkid, kuchaytirish bildiradi.

Misollar

• Bitibdur besh ravot ham uchta hammom. — Uygʻun va ISulton, Alisher Navoiy.
• Oʻzi choʻloqku, lekin shamolday tez uchadi, ham oʻzi dilkash yigit. Ishni puxta qiladi. — Oybek — Tanlangan asarlar.
• Oʻzi odamlar bilan gaplashib oʻtirganday koʻrinsa ham, fikri-yodi bloknotda ekani.. koʻrinib turar edi. — A. Qaxxor — Qoʻshchinor chiroqlari.
• Quyosh yashiringan boʻlsa ham, kunduzning yorugʻligi hali tamom soʻnmagan edi. — Oybek — Tanlangan asarlar.
• Kun ham kech boʻlib qoldi. Shu ham ish boʻldimi? Bu botinka oyogʻimga sira ham sigʻmaydi. U opasiga hech ham oʻxshamaydi.
• U tuflisini ham yechmay, namatga oyoq qoʻydi. — Gazetadan.
• Nihoyat, ular ham charchadi shekilli, vagonga sukunat choʻkdi. — Gazetadan.

Manba: Vikilug‘at