hamla

Ma’nolari

1. . Kimsa yoki narsa ustiga tashlanish.
2. . Jang, kurash va shu kabilarda kuch bilan olgʻa tashlanish; hujum.
3. . hujum.
4. Hamla qilmoq Tashlanmoq, hujum qilmoq.

Misollar

• U bir hamla bilan Sultonning yoqasidan ushlab, oʻziga tortdi. — O. Yoqubov — Larza.
• Tajang boʻlsa, qoplon hamlasi bilan Pismiq giriboniga changsoldi. — M. Ismoiliy — Fargʻona tong otguncha.
• Razvedka maʼlumotiga qaraganda, bu tepalikni bir hamla bilan Qoʻlga olish mumkin emas edi. — I. Rahim — Chin muhabbat.
• Bizning hokimlarimiz bir-biri bilan inoq boʻlmagani, birlasha olmagani sababli, katta kuchga ega boʻlgan istilochining hamlasiga dosh bera olmadik. — Mirmuhsin — Meʼmor.
• Uning dasturxondan hamon koʻz uzmay, jim oʻtirganini koʻrib, ochiq hamlaga oʻtdi. — S. Karomatov — Soʻnggi barxan.
• Yoqutoyim eriga quturib hamla qildi, yuziga chang soldi. — S. Anorboyev — Oqsoy.
• Navqiron yigitning charchaganini sezgan Temur Malik ustma-ust hamla qilib, yigitni orqaga tisariltira boshladi. — "Saodat".
• Ochiq qolgan markazdan Bobur askarlarining bir qismi alanga tiliday otilib chiqdi-yu, Shayboniyxon turgan tepalikka hamla qilib kela boshladi. — P. Qodirov — Yulduzli tunlar.

Kelib chiqishi

arab. – intilish; hujum, otilish, tashlanish

Manba: Vikilug‘at