hangoma

Ma’nolari

1. Bir necha kishi oʻrtasida koʻtarinki ruhdagi, shirin, xushchaqchaq suhbat.
2. Qiziqarli, kishini hayratga soladigan voqea.
3. Hangoma qilmoq hangomalashmoq.

Misollar

• Hangoma qilmoq.
• Yashil uvatlarda zavqli qoʻshiqlar, Shavqli hangomalar boʻlar koʻp shinam. — Gʻ. Gʻulom.
• Quyuq ziyofat, oʻyin-kulgi, hangoma yarim kechagacha davom etdi. — J. Sharipov — Saodat.
• Sodda va samimiy hangoma bilan choy ichilar ekan, daraxtlar orqasidan hoʻngrab yigʻlagan tovush eshitildi. — Oybek — Tanlangan asarlar.
• Qiziq hangomalar aytib, koʻnglini xush qiladigan kishilar bor edi. — P. Tursun — Oʻqituvchi.
• Shunday qilib, yor-birodar, tramvaylar hangomasi hozircha tura tursin, endi gapni birinchi avtobazadan eshiting. — "Mushtum".
• Enang koʻchada tuqqanmi, bu nima hangoma! — Oybek — Tanlangan asarlar.
• Shahar sanoat korxonalarini gazlashtirishdagi hangomalarni gapirib, taʼbni xufton qilmay qoʻya qolaylik. — "Mushtum".
• U-bu toʻgʻrisida birpas hangoma qilib Oʻsarjon joʻnarkan, Dadamat uni peshinda bedana palovga taklif etdi. — Oybek — O.v. shabadalar.
• ..Iloji boʻlsa, ishni qoʻyib, hangoma qilgimiz keladi. — R. Fayziy — Choʻlga bahor keldi.

Kelib chiqishi

fors. — olomon, yigʻin; gurunglashish, xushchaqchaq suhbat

Manba: Vikilug‘at