Izohli lug‘at
hayrat
ҳайрат
Ma’nolari
- Kuchli darajadagi taajjub, hayronlik.
- Hayrat barmogʻini tishlamoq Nihoyat darajada hayron boʻlmoq; hayratda qolmoq.
Misollar
- Ustaning sanʼatidan hayratda boʻlgan odamlar bitta tanburdan ham shunchalik ovoz.. chiqishiga tasanno aitishardi. — Mirmuhsin — Sozanda.
- Naqshlarga tikilib qarayman bir-bir, Fikrimda hayajon, hayrat, tasanno. — H. Rasul — Baxt nashidasi.
- Hayotning eng oddiy jismlaridan to eng murakkab mavjudotlarigacha — hammasi unga hayrat bagʻishlardi. — Gazetadan.
- Xon oldiga u hamisha oq yoʻrgʻasini minib borardi. Bu otni koʻrganlar hayrat barmogʻini tishlab qolar va ichida "baayni dul-dul", deb qoʻyardi. — J. Sharipov — Xorazm.
Kelib chiqishi
arab. – hayronlik, tong qolish; dovdirab, gangib qolish
Manba: Vikilug‘at
Ko‘rilgan: 0